ҚАЛА ӘКІМІ ҚОҒАМДЫҚ КЕҢЕС АЛДЫНДА ЕСЕП БЕРДІ

---

 

«Қоғамдық кеңестер туралы» Қазақстан Республикасының Заңына сәйкес әкімшілік-аумақтық бірліктер әкімдерінің «Қоғамдық кеңестер» алдында есеп беруі көрсетілген.

Осыған орай, бүгін қала әкімі А. Шаменов қоғамдық кеңес алдында «Қызылорда қаласы әкімінің 2022 жылғы атқарған жұмастары мен алдағы міндеттері» туралы есеп берді.

Жалпы қоғамдық кеңестер мемлекеттік органдар қызметінің тиімділігі мен ашықтығын, азаматтардың мемлекеттік органдарға деген сенімін арттыру, қоғам мен мемлекет арасындағы өзара байланысты қамтамасыз ету мақсатында құрылған консультативті-кеңесші орган болып табылады.

Жиында сөз алған шаһар басшысы Асылбек Өмірбекұлы қаланың өткен жылғы әлеуметтік-экономикалық даму көрсеткіштері мен жыл көлемінде қол жеткен жетістіктеріне тоқталып, биылғы жұмыс жоспарымен де бөлісті. Отырыс барысында қоғамдық кеңес мүшелері тарапынан Ақсуат ауылдық округінде жүргізілген газ құбырларын әрбір тұрғын жеке үйге жеткізу шығындарының жоғары екендігін, Бұқарбай батыр көшесінде электр энергиясының жиі өшуі және т.б сұрақтар қойылып, қала әкімі мәселелерді өз бақылауына алатындығын жеткізді.

Қала басшысының баяндамасынан жыл көлемінде жүргізілген толымды тірліктерге қанық болған қоғамдық кеңес мүшелері өз пікірлерін білдіріп, қала әкімінің жұмысына оң баға берді.

Қала әкімі кеңес отырысында қойылған сұрақтардың әрбіріне жан-жақты тоқталып, тиісінше жауап берді. Айтылған талап-тілектердің барлығы назарға алынып, кезең-кезеңімен шешілуі үшін тиісті жұмыстар жүргізілетінін жеткізді.

Жиынды қалалық қоғамдық кеңестің төрағасы С.Дүйсенбаев жүргізді.