Новости Казкенес
Новости KazKENESЖемқорлық тәуекелдеріне тосқауыл
Сыбайлас жемқорлыққа қарсы іс-қимыл Агенттігінің Павлодар облысы бойынша Департаментінің бастамасы бойынша Баянауыл ауданының қоғамдық кеңесінде арнайы Комиссия құрылды. Бұл комиссия сыбайлас жемқорлыққа қарсы іс-қимыл мәселелерін зерделеуге және үйлестіруге бағытталған.
Жақында қоғамдық кеңес отырысына Павлодар облысы бойынша сыбайлас жемқорлыққа қарсы іс-қимыл агенттігі департаменті басшысының бірінші орынбасары Мұратбек Қасымов арнайы келіп қатысты.
– Ағымдағы жылда 2022-2026 жылдарға арналған сыбайлас жемқорлыққа қарсы саясатының Тұжырымдамасы бекітілді. Бұл маңызды бағдарламалық құжат, оған сәйкес еліміздің сыбайлас жемқорлыққа қарсы саясаты дамитын болады.Тұжырымдама қоғамдық бақылауды кеңейтуді, мемлекеттік органдардың ашықтығын қамтамасыз етуді, оның ішінде «Қоғамдық кеңестер туралы» Заңға өзгерістер енгізу арқылы қоғамдық кеңестердің құқықтық мәртебесін кеңейтуді көздейді. Өздеріңіз білетіндей, сыбайлас жемқорлыққа қарсы іс-қимыл Агенттігі Павлодар облысының сыбайлас жемқорлық тәуекелдерінің арнайы картасын әзірледі. Картаның басты мақсаты - халықтың әлеуметтік-экономикалық мәселелерін шешу.
Ағымдағы жылы Департаментпен әлеуметтік маңызы бар салаларда 5 сыртқы талдау және сыбайлас жемқорлыққа қарсы 15 мониторинг жүргізілді. Бұл жұмысқа азаматтық қоғам өкілдері белсенді қатысты, - деген Мұратбек Жұмағалиұлы мониторинг қорытындыларымен бөлісті.
Жиын барысында М.Қасымов жемқорлық тәуекелдеріне тоқталып, мүдделер қақтығысы туралы сөз қозғалды. Жерге конкурстық комиссия отырысының ашықтығын қамтамасыз ету аса маңызды екенін айтты.
«Одан бөлек, бизнес бастауға берілген гранттың нысаналық жұмсалуына бақылау мерзімін 1жылдан 3 жылға ұзартса, жемқорлық тәуекелдерін жояр еді. Ауданда қандай да бір құрылыс мәселелері болса, қоғамдық кеңес мүшелері, қоғамдық бақылауда ұстауларыңызды сұраймын», - деді Мұратбек Жұмағалиұлы.