Атырау облыстық Қоғамдық кеңесінің кезекті отырысы өтті

---

 

     2022 жылдың 23 қарашасында Атырау облыстық Қоғамдық кеңесі кезекті отырысында облыстық "Білім беру басқармасының жалпы орта білім беру және кәсіби білім берудің сапасын арттыру мен сыбайлас тәуекелдерін төмендету шаралары" тақырыбында  атқарылған жұмыс есебін тыңдады.

   Сонымен қатар, 2023 жылға Дене шынықтыру және спорт басқармасы, Мәдениет тілдерді дамыту және архив ісі басқармасы және оған бағынысты мекемелерін ұстауға бөлінген бюджет қаражаты бойынша басқармалардың хабарламалары тыңдалды.

    Кеңес отырысына облыс әкімінің орынбасары Ж. Бисембиев, басқарма басшылары, тиісті білім беру мекемелерінің лауазымды өкілдері қатынасты.

     Күн тәртібі бойынша Дене шынықтыру және спорт басқармасының бөлім басшысы Т.Есдаулетов, Мәдениет, тілдерді дамыту және архив ісі басқармасының бөлім басшысы А.Сағиеваның бюджет қаражаты бойынша хабарламалары кеңеспен қабылданды.

    Білім беру басқармасының басшысы міндетін атқарушы Г.Садуахасова атқарылған жұмыстарды баяндай келе, кеңес мүшелерінің сұрақтарына жауаптар берді. Кеңес мүшелері бүгінгі таңдағы білім беру сапасы бойынша пікірлерін білдіріп, өз ойларын бүкпесіз айтты.

    Кеңес отырысында қаралған мәселелер бойынша кеңес мүшелерінің зерделеу қорытындысы мен ұсыныс-пікірлері ескеріліп, арнайы ҚАРАР қабылданды.  

        Кеңес отырысын төраға Мақсым Ізбасов жүргізіп, қорытындылады.

Атырау облыстық Қоғамдық Кеңесі