Новости Казкенес
Новости KazKENESҚОҒАМДЫҚ КЕҢЕС МҮШЕЛЕРІНЕ АРНАЛҒАН ТРЕНИНГ ӨТТІ
15 қараша күні облыс әкімдігінің мәжіліс залында Қызылорда облысының қоғамдық кеңесінің ұйымдастыруымен Zoom платформасы арқылы «Eurasian Expert Council» ҚҚ президенті, мемлекеттік қызмет істері агенттігінің Қоғамдық кеңесінің мүшесі Шыңғыс Лепсібаевтің жетекшілігімен «Қазақстан Республикасында қоғамдық бақылау және «Kazkenes» сайтымен жұмыс» тақырыбында қоғамдық кеңес мүшелеріне арналған тренинг өтті.
Тренингті Қызылорда облысының Қоғамдық кеңесінің төралқа мүшесі Нұрлан Көптілеуов алғы сөзбен ашып, қоғамдық кеңес мүшесі Болат Нұрхожаев қоғамдық кеңестердің жұмысы туралы ұсыныс пікірін білдірді.
Тренингке Қызылорда облыстық, қалалық, аудандық қоғамдық кеңес мүшелерімен республиканың өзге де өңірлерінен тыңдаушылар қатысып, тренинг барысында қоғамдық бақылаудың формалары мен әдістері және «Kazkenes.kz» сайтымен жұмысы туралы пайдалы кеңестерді тыңдаумен қатар қатысушылар тарапынан бірқатар сұрақтар қойылып өз жауаптарын алды және ұйымдастырушыларға алғыстарын білдірді.
Тренинг «Азаматтық бастамаларды қолдау орталығы» КЕАҚ-ның «Қоғамдық кеңестердің рөлін арттыру» жобасын дамыту аясындағы қызметтің бір бөлігі болып табылатынын айта кету керек.