Новости Казкенес
Новости KazKENESТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ
Бүгін, Төлеби аудандық Қоғамдық кеңесінің отырысы өтті. Қоғамдық кеңестің төрағасы Б.Оралбеков төрағалық еткен жиынға аудан әкімінің орынбасары Л.Серікбаев және ауданның бірқатар ардагерлерімен тұрғындары қатысты. Күн тәртібіне төмендегі мәселелер қарауға енгізілді.
1. Аудандағы мемлекеттік мекемелердің жылу маусымына дайындықтары туралы.
2. Ленгір қаласы аумағында жаңа жұмыс орындарын ашу және халықтың әл ауқатын жақсарту мақсатында атқарылып жатқан жұмыстарының барысы туралы.
3. Алатау ауылдық округінде туризмді дамыту және экологияны қорғау саласында атқарылып жатқан жұмыстары туралы.
4. Аудандағы әлеуметтік қамсыздандыру саласында сыбайлас жемқорлыққа қарсы іс-қимыл мәселелері туралы.
5. Аудандағы жер кадастры және жылжымайтын мүлік бойынша саласында сыбайлас жемқорлыққа қарсы іс-қимыл мәселелері туралы.
6. Кеңестің бос тұрған комиссия төрағасын бекіту.
Бірінші мәселе бойынша – аудан әкімінің орынбасары Л.Серікбаев аудан бойынша көпқабатты тұрғын үйлердің жалпы саны – 107. Ленгір қаласы 1-ші мөлтек ауданындағы орталық қазандықтың жылу жүйелері және Новостроевка елді мекені Байтұрсынов көшесіндегі №25 «б» көпқабатты тұрғын үйге жылу беретін қазандықтың жылу жүйелеріне толық сығымдау жұмыстары жүргізілгендігін және білім беру, дене шынықтыру және спорт саласы, мәдениет үйлері мен клубтар, денсаулық сақтау мекемелерінің жылу маусымына дайындық жұмыстары бойынша баяндады.
Екінші мәселе бойынша – Ленгір қаласының әкімі еңбек демалысында болуына байланысты келесі отырыста қарауға қалдырылды.
Үшінші мәселе бойынша – Алатау ауылдық округ әкімінің м. у. а. А.Қылышбаев Алатау а/о таулы аймақта орналасуына байланысты туризмді дамытуға қолайлы болып саналады. Ауылдық округтерде орналасқан туристік нысандарды ауданымыздың статистика және кірістер басқармасына мүмкіндігінше тіркеуге жұмыстар жасаудаумыз. Экологиялық тазалық жұмыстарын жүргізу бойынша аудандық жұмыспен қамту орталығы арқылы алынған жұмысшылар бекітілген жұмыс жоспарына сәйкес күнделікті тазалық жұмыстарын жүргізіп, жатқандығын айтты.
Төртінші мәселе бойынша – аудандық әлеуметтік қамсыздандыру бөлім басшысы Н.Есполов бүгінгі таңда Төлеби ауданы бойынша зейнетақы және жәрдемақы алушылардың жалпы саны 25422 адам. Зейнетақы және жәрдемақыларды Төлеби ауданы «Қазпошта» АҚ аудандық бөлімшелері мен екінші деңгейдегі банктер арқылы төленіп келеді. Бөлімде сыбайлас жемқорлықты болдырмау, алдын алу мақсатында өткізілетін техникалық әдістемелік оқыту сабақтарында «Сыбайлас жемқорлыққа қарсы іс-қимыл туралы» Қазақстан Республикасы Заңы қызметкерлер арасында оқытылып, түсіндіріліп тұрандығын атап өтті.
Бесінші мәселе бойынша – Жер кадастры және жылжымайтын мүлік бойынша Төлеби аудандық бөлімі отырыста қаралатын материалдарын уақытылы дайындамағанына байланысты келесі отырыста қарауға қалдырылды.
Алтыншы мәселе бойынша – кеңестің сыбайлас жемқорлық көріністеріне қарсы іс-қимыл мәселелері, қоғамдық бірлестіктер, халыққа қызмет көрсету саласы, құқық, қоғамдық қауіпсіздікті сақтау, мемлекеттік ақпараттандыру саясаты, өкілеттілік пен этика, діни ахуал, этно-мәдени қатынастар және жастар саясаты мәселелері жөніндегі комиссия мүшелерінің шешімімен аталған комиссия төрағасы болып О.Кадиров бекітілді.
Кеңес мүшелері тараптарынан баяндамашыларға ұсыныс, пікір, сұрақтар қойылып жауаптары тыңдалды және алдағы уақытта жұмыстарды жақсарту мақсатында сала басшыларына нақты ұсынымдар жасап, әрбір мәселе бойынша шешімдер қабылдады.