"ЛОКОМОТИВТІ" ЛӘҢГІДЕЙ ТЕПКЕН КІМ?

---

Роналдо, Хави, Кафу, Месси тағысы тағы бар. Әлем таныған, миллиондаған жанкүйерлерді қуантқан, мыңдаған ұлдың бой түзеген, спорттан үмітін үздірмеген мықты футболшылар. Қазақтың футболға икемі жоқ, бәлду-бәлду деген әңгіме көп. Допты тек өзгелер мықты тебед деген мақау стереотип қалыптасқан миымызда. Ол ұғым түбегейлі дұрыс емес. Қазақтың қарасирақ қара баласы допты Мессиден кем теппейді, тек сол қазақтың баласының допты тебуін сырттағылар емес, іштегі жаулар тежейді. Неге дейсіз бе? Мынау 258 миллион 261 мың 665 теңгеге жөндеу жасалған "Локомотив" стадионының доп тебу алаңының сиқы. Біздің елдің құрылысшылары балаларды қаншалықты "жақсы көретінін" осы бір стадионға жасалған жөндеу жұмысының өзі көрсетіп тұрған жоқ па? Осыған дейін "Локомотивте" 700-ден астам бала доп теуіп жүрген болса, бүгінде алаң жоқ, біразы басқа спорт түріне, енді бірі үйінде қалды. Жаттықтырушылар балаларды әр аулада жаттықтыруға мәжбүр. Қаланың оңтүстік бөлігіндегі И.Ильин атындағы спорт алаңқайына арғы басы Қарауылтөбе, Қызылжарма, Шанхай, бергі басы Тасбөгет, Наурыздан келіп қатынайды. Спортсүйер балақайлар қыстың суығын, жаздың аптабын елемей, қазақ елінің «Қайсары» мен «Қайратының» намысын қорғауды мақсат етіп жүр. Қазақ елінен де әлем таныған футболшы шығатынын дәлелдегісі келіп жүр. Сол үшін де тынымсыз жаттығып жүр. Құрметті тендер жариялаушы басқарма, департаменттердің жауапты өкілдері! Басқасы басқа, балалар үшін жасалатын объектілердің шапкісіне қызықпай-ақ қойыңыздаршы. Өтініш! #Qweek#HalyqApta

Қызылорда облысының Қоғамдық кеңесінің мүшесі Тұңғышбаева Айнұр парақшасынан