АҚЫЛЫ ЖОЛ - АЗАП ЖОЛ!

---

Қызылорда облысының не жазығы бар? Дәл бізге келгенде балама болар тегін жол жоқ! Ақылы трасса. Қалтаны қағып жатыр, сосын әрине жүк таситын фуралар әкелген тауарын үстеме бағамен сатады, жол шығынын өтеу үшін. Қаншама жүргізушілер шырылдап жүр. Ақылы жол деген аты ғана! Жол гармошка-гармошка! Иә, бір жөні түзу стоянкасы, не бір жиіркенбей кіретін санитарлық орны жоқ. Өз көзімізбен көрдік, «Қазавтожол» мекемесі, көргенді бірдеңе деп жеңбеңдер! Талай шетелдік фура жүргізушілері жол бойындағы дәретханадан жүгіріп шықты мұрнын басып! Ұлы даланың улы дәретханалары кез келген кірушіні сұмдық иісімен естен тандырады. Нокаут, нокдаун! Ақшаны алуда бәледей, неге сол ақшаға татитын трассаны қамтамасыз етпейді?! Жуырда ғана Үкіметтің кеңейтілген отырысында Ел Президенті Қасым-Жомарт Тоқаев жол саласына жауапты мекемелерді сынға алған-ды. «Жолдың сапасына айрықша назар аудару керек. Еліміздің жолдары нашар екені және жол құрылысы саласын жемқорлық жайлағаны ешкімге жасырын емес»,- деді сол жиында Президент. Президенттің айтуынша, бұл салада қордаланған мәселе көп. Иә, көп, көзбен көргенімізді айтайық! #Qweek#HalyqApta

Қызылорда облысының Қоғамдық кеңесінің мүшесі Тұңғышбаева Айнұр парақшасынан