Тараз қалалық Қоғамдық кеңес облыс орталығында еңбек және жалпы тұрғындар қауіпсіздігіне мониторинг жүргізіп, нәтижесін алқалы жиында талқылады

---

«Еңбек қауіпсіздігі және жұмыскерлердің, жалпы қала тұрғындарының денсаулығы мен өмірін сақтау мәселелері туралы»  қалалық Қоғамдық кеңес тарапынан жүргізілген мониторинг нәтижелері бойынша кеңейтілген отырыс өтті. Оған барлық жауапты облыстық және қалалық мемлекеттік органдардың басшылары, қатысып, кеңес мүшелері тарапынан тақырыпқа сай қойылған көкейкесті сұрақтарға, көтерілген мәселелерге өзіндік уәждерін баян етті. Десе де, осы уақытқа дейін Қоғамдық кеңес тарапынан жіберілген ұсынымдарға қарамастан, әлі күнге дейін орындалуы кенжелеп келе жатқан қала көлемінде қалыптасқан жағдаяттар кеңес тарапынан сын тезіне алынып, тиісті мекемелерге заң талаптарын орындау баршаға міндет, қоғам алдындағы парыз екендігі баса айтылды. Алдағы уақытта жиын барысында айтылған сын-ескертпелер мен талап-тілектердің іске асуы бақылауда ұсталынатын болады.