Новости Казкенес

Атырау қаласының Қоғамдық кеңесі


Атырау қаласының Қоғамдық кеңесінің кезекті отырысы өтті
    Күн тәртібінде қала өміріндегі өзекті мәселелер мен бірқатар маңызды бағыттар бойынша мәселелер қаралды.
     Отырыс барысында жастар саясаты, үкіметтік емес ұйымдармен өзара іс-қимыл, жастар жобаларының тиімділігі, діни сауаттылықты арттыру мәселелері талқыланды. Сонымен қатар қоғамдық тәртіпті сақтау, құқық бұзушылықтар мен қылмыстың алдын алу, оның ішінде жасөспірімдер арасындағы қылмыстың жай-күйі және полиция қызметінің нәтижелері қаралды.
      Күн тәртібіндегі маңызды мәселелердің бірі – сыбайлас жемқорлыққа қарсы саясатты іске асыру, оның алдын алу және қоғамда парасаттылық қағидаттарын нығайту болды.
      Сондай-ақ көппәтерлі тұрғын үйлердегі лифтілерді жөндеу және ауыстыру, тұрғын үйді күрделі жөндеуге байланысты меншік иелерінің қаражатын қайтаруды қамтамасыз ету қағидаларына өзгерістер енгізу мәселесі қаралды.
      Бұдан бөлек, Атырау қаласының бірыңғай сәулеттік келбетін қалыптастыру мақсатында көппәтерлі тұрғын үйлердің сыртқы қабырғалары мен шатырларын реконструкциялау, ағымдағы және күрделі жөндеу жұмыстарын ұйымдастыру қағидаларына енгізілетін өзгерістер талқыланды.
      Күн тәртібіндегі мәселелер бойынша тиісті сала басшылары баяндама жасап, кеңес мүшелері тарапынан сұрақтар қойылып, ұсыныстар айтылды.
      Отырыс қорытындысы бойынша көтерілген мәселелер назарға алынып, тиісті ұсыныстар берілді.

Фото