ТҮРКІСТАН ОБЛЫСЫ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

Төлеби аудандық Қоғамдық кеңестің кезекті отырысы кеңес төрағасы Әбдісаттар Әбдіхалықовтың төрағалығымен өтті. Жиынға аудан әкімінің орынбасары Бағдатбек Жанғазиев қатысты.

Отырыс күн тәртібінде Төлеби ауданының "Газ және тұрғын үй инспекциясы" КММ-не жүктелген міндеттердің орындалуы және мекемеде атқарылып жатқан жұмыстардың жай-күйі қаралды. Аталған мәселе бойынша мекеме директоры Әбдімәлік Дүйсебаев баяндама жасап, мекеменің негізгі қызмет бағыттары мен жүзеге асырылып жатқан жұмыстарға тоқталды.

Баяндама тыңдалғаннан кейін Қоғамдық кеңес мүшелері тарапынан бірқатар сұрақтар қойылып, тиісті жауаптар берілді. Сонымен қатар, мекеме жұмысының тиімділігін арттыруға қатысты сын-ескертпелер мен ұсыныстар айтылды.

Жиын барысында аудан әкімінің орынбасары Бағдатбек Жанғазиев көтерілген мәселелер мен айтылған сын-ескертпелердің орынды екенін атап өтіп, мекеме қызметін жетілдіру бағытында, мәселелерді шешу және жұмыстардың сапасын арттыру мақсатында алда Қоғамдық кеңеспен бірлесе қайта жұмыстардың барысы қаралатындығын жеткізді.

Фото

Previous Next