Аудандық орталық стадионындағы күрделі жөндеу жұмыстарына қоғамдық мониторинг жүргізілді

Қордай аудандық Қоғамдық кеңесінің төрағасы Н.Молдағұлов пен кеңес мүшелері аудандық орталық стадионда жүргізіліп жатқан күрделі жөндеу жұмыстарының барысына қоғамдық мониторинг жүргізді.

Мониторингтің негізгі мақсаты – жөндеу жұмыстарының орындалу барысымен танысу, құрылыс жұмыстарының жай-күйін зерделеу және нысанның сапалы әрі белгіленген талаптарға сәйкес пайдалануға берілуіне қоғамдық бақылау жасау.

Мониторинг барысында Қоғамдық кеңес төрағасы мен мүшелері стадион аумағын аралап, атқарылған жұмыстардың барысымен танысты. Танысу нәтижесінде күрделі жөндеу жұмыстарының негізгі бөлігі аяқталғаны, қазіргі уақытта құрылыс нысанында қалған ұсақ-түйек және аяқтау жұмыстары жүргізіліп жатқаны белгілі болды.

Аудандық орталық стадион – тұрғындардың, әсіресе жас ұрпақтың спортпен шұғылдануына, бұқаралық спортты дамытуға және салауатты өмір салтын қалыптастыруға мүмкіндік беретін маңызды әлеуметтік нысан. Осыған байланысты стадионды күрделі жөндеуден өткізу жұмыстарының сапалы аяқталуы мен оның тұрғындар игілігіне берілуі ерекше маңызға ие.

Қоғамдық мониторинг барысында нысандағы жұмыстардың аяқталу кезеңіне келгені назарға алынды. Алдағы уақытта қалған жұмыстардың сапалы орындалуы, құрылыс жұмыстарының толық аяқталуы және стадионның белгіленген талаптарға сай пайдалануға берілуі маңызды.

Қордай аудандық Қоғамдық кеңесі аудан тұрғындары үшін маңызды әлеуметтік нысандардың жағдайын назарда ұстап, өз құзыреті шегінде қоғамдық бақылау жұмыстарын жалғастырады.

Фото

Previous Next