Тұрғындар талабы - Қоғамдық кеңес мүшелерінің басты назарында!!!

---

    Бүгінгі таңда, Атырау облысы Қоғамдық кеңесінің көтеріп отырған өзекті мәселесі –өңірде жұмыс жасап отырған ірі мұнай өндіру компанияларының активтері  және осы  компаниялардан Атырау өңіріне бөлінетін қаржы мәселесі болып отыр.

   Облыстық Қоғамдық кеңес  мүшелері 2022 жылдың 30 маусымы күні «NCOC» компаниясының 2021  жылға  тұрақты даму есебін» тыңдауына қатысты. Кеңес мүшелері  «NCOC» компаниясынан Атырау облысының қажеттілігіне бөлінетін қаржының, жалпы қаржыдан 80-90 % деңгейінің болуын ұсынды. Ұсыныстың себебі хатқа тіркелген қосымшада  көрсетіліп, нақты  деректермен түсіндіріліп, осы мәселе бойынша Қазақстан Республикасының Энергетика министрі Б.Ақшолақовқа 2022 жылдың   11 шілдесінде шығыс № 113 санды  хат жолданды. Ағымдағы жылдың  19 тамызы күні №ЖТ-2022-02081277 санмен ҚР Энергетика министрлігінен жауап хат алынды.

     Жауап хатта: «..2020-2022 жылдарға арналған ӘИЖ-ды  қаржыландырудың белгілі бір көлемі  жақын арада таусылатындығын ескере отырып, Атырау және Маңғыстау  облыстарының әкімдіктері  жобалар тізбесін айқындау және келесі  Мердігерлік жылдарға арналған қаржыландыру  көлемін айқындау  мәселесін көтеру қажеттігі туралы хабардар етілді. Өз кезегінде Атырау облысының әкімдігі  Мердігерге ӘИЖ-ға деген жыл сайынғы аударымдар сомасын 50 млн. АҚШ долларына дейін  ұлғайту өтінішімен жүгінді, ал Маңғыстау облысының әкімдігі ағымдағы қаржыландырудың лимиттеріне 25 млн. АҚШ доллары  мөлшерінде ұлғайтуды сұрайды.  Жоғарыдағы айтылғандарға байланысты  Атырау және  Маңғыстау облыстарының әкімдіктері Мердігермен инфрақұрылым және әлеуметтік мақсаттағы жобаларды, сондай-ақ келесі Мердігерлік жылдарға  ӘИЖ-ға жыл сайын бөлінетін қаражат көлемін келісуі қажет. Бұл ретте, Министрлік және өкілетті орган өз құзыреті шеңберінде  осы мәселені талқылауға дайын. Сонымен қатар, Атырау мен Маңғыстау облыстары арасында  қаражат бөлу пропорциясының мәселесін ҚР Үкіметінің  2022 жылғы 2 маусымдағы  №335 қаулысымен бекітілген Үкімет регламентіне сәйкес  инфрақұрылым және әлеуметтік мақсаттағы жобаларды қаржыландыру туралы ҚР Үкіметі  қаулысының тиісті жобасын  келісу шеңберінде уәкілетті мемлекеттік органдармен қаралғанын жөн деп санаймыз» -делінген берілген жауапта.  Өзекті мәселе орынды шешілетініне сенеміз.

М.Ізбасов, Атырау облыстық Қоғамдық кеңес төрағасы