Жолдау еліміздің дамуына үлкен серпіліс беретініне сенемін

---

  Қазақстан Республикасының Президенті Қ. К. Тоқаевтың Жолдауы еліміздегі саяси реформалардың жаңа бағытын айқындап берді.

   Халықтың игілігі үшін атқарылған қомақты шаралар, жүзеге асырылар кешенді жобалар туралы көңілді қуантты. Кем-кетігіміз сарапталып, кемшін тұстарымызды толықтырар іс-шаралар анықталды. Жаңашыл бастамалар өміршең ойлармен қабысты. Жолдаудың негізгі бөлігі жуық арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар туралы айтылды.

  Жолдауда басымдыққа ие болған ең басты саяси жаңалық, еліміздің саяси жүйесінің тұрақтылығын сақтай отырып, ішкі саяси сұраныстарға қол жеткізу мақсатында биылғы жылдың күзінде кезектен тыс Президент сайлауын өткізу туралы жоғары деңгейдегі саяси шешім қабылдауы. Сонымен қатар, келесі жылдың көктемінде Парламент Мәжілісі мен барлық деңгейлердегі мәслихаттар сайлауы өтетін болады.

   Тың өзгерістерден соң жаңа Үкімет құрамы жасақталатынын алға тартты. Бүгінгі Жолдауда айтылған бағыттар сапалы орындалып, еліміздің дамуына үлкен серпіліс беретініне сенемін.

 

Асхат Иманғалиев, Атырау облыстық Қоғамдық кеңес мүшесі