"Таза Қазақстан" акциясы аясында

«Таза Қазақстан» — жаңа қоғамдық мәдениеттің үлгісі. Ол бір күндік акциямен шектелмей, әрқайсымыздың күнделікті іс-әрекетімізден, туған жерге деген жанашырлығымыздан қалыптасады.
Бүгін сенбі таңын Ақтөбе облыстық Қоғамдық кеңесінің мүшелері Сәтбаев және Маресьев көшелерінің қиылысында орналасқан саябақта өткізді. «Таза Қазақстан» акциясы аясында Ақтөбе облысының әкімі Асхат Берлешұлы Шахаровпен бірге тал көшеттерін отырғызып, облыстық және қалалық мекемелердің өкілдерімен бірге сенбілік жұмыстарына белсене қатысты.
Өңір басшысының өзі көпшілікпен бірге сенбілікке қатысып, тазалық пен көгалдандыру жұмыстарына атсалысуы — ортақ іске деген жауапкершіліктің нақты үлгісі. Мұндай бастама тұрғындарды туған қаласының тазалығы мен көркеюіне өз үлесін қосуға үндейді.
Қаланың тазалығы мен көркеюі тек коммуналдық қызметтердің немесе мемлекеттік мекемелердің міндеті емес. Бұл — баршамызға ортақ іс. Осындай игі шаралар қоғамды біріктіріп, қоршаған ортаға жанашырлықты арттырып, тазалық пен жауапкершілік мәдениетін қалыптастырады.
Бүгін отырғызылған әрбір көшет — ертеңгі жасыл Ақтөбеге қосылған үлес.
Таза қала — өзімізден басталады! Ақтөбеміздің ажары артып, жасыл желегі жайқала берсін!

Фото

Previous Next