ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

Төлеби аудандық Қоғамдық кеңестің кезекті отырысында кеңес төрағасы Әбдісаттар Әбдіхалықов төрағалық етті. Жиынға аудан әкімі аппаратының басшысы Амалбек Өміртай қатысты.

Отырыстың күн тәртібінде екі мәселе қаралды. Атап айтқанда, аудандағы білім беру мекемелері кітапханаларының кітап қорлары, оқушылардың оқу жағдайы және оқулықтармен қамтамасыз етілу барысы туралы Төлеби аудандық білім бөлімінің басшысы Шұға Нұрабаева баяндама жасады.

Сонымен қатар, Төлеби ауданында тілдерді оқыту және дамыту бағытында атқарылып жатқан жұмыстардың барысы туралы «Тілдерді оқыту және дамыту орталығының» директоры Ақнұр Жакупованың баяндамасы тыңдалды.

Күн тәртібіндегі мәселелер жан-жақты талқыланып, зерделенді. Қоғамдық мониторинг жүргізген кеңестің комиссия төрағаларының қосымша хабарламалары тыңдалды, жұмыстарды жақсартуға бағытталған ұсынымдар беріліп, тиісті шешімдер қабылданды.

Жиын барысында Қоғамдық кеңестің бос орындарына қабылданған жаңа мүшелері – Дилмурад Омаров, Ертарғын Искаков және Дәулетбек Бекалыұлы кеңес ұжымына таныстырылды. Жаңа мүшелерге қоғамдық жұмыстарға белсенді атсалысып, алдағы қызметтеріне сәттілік тілеп, ақжолтай тілек білдірілді.

Фото

Previous Next