«Медиация – келісім мен татулықтың кепілі»

«Заң мен тәртіп» қағидатын ілгерілету мақсатында «Медиация – келісім мен татулықтың кепілі» атты конференциясы өтті.
Аталған шараға мемлекеттік және құқық қорғау органдарының өкілдері, сот саласының мамандары, өңірдің кәсіби және қоғамдық медиаторлары, Қоғамдық кеңес мүшелері қатысады.

Шара спикерлері:
• Ақтөбе облысының ішкі саясат басқармасының басшысы – Байнешов Әлібек Мұқтарұлы;
• Еуропа Ассамблеясының Құрметті мүшесі, заң ғылымдарының докторы, медиатор-жаттықтырушы – Балпеисова Светлана Асылгирейқызы;
• Ақтөбе облысының кәмелетке толмағандардың істері жөніндегі мамандандырылған ауданаралық сотының судьясы – Мусина Айпатша Елеусизовна;
• Ақтөбе облысы прокуратурасы Қоғамдық мүдделерді қорғау басқармасының прокуроры – Қанатбаева Жазира Қуанғалиқызы;
• Ақтөбе облысы бойынша сауда және тұтынушылардың құқықтарын қорғау департаментінің бас маманы – Жұмамұрат Ақбота Серікқызы.

Конференция барысында медиацияның қоғамдағы дауларды бейбіт жолмен шешудегі маңызы, азаматтардың құқықтық мәдениетін арттыру, жанжалдардың алдын алу мәселелері талқыланады.
Сонымен қатар, медиация саласының дамуына, қоғамдағы келісім мен татулықты нығайтуға үлес қосқан азаматтарға «Үздік медиатор – 2026» арнайы статуэткалары және Ақтөбе облысы әкімдігінің Алғыс хаттары табысталды.

Фото

Previous Next