Егіндікөл ауданында «Таза жағалау» экологиялық акциясы өтті

«Таза Қазақстан» республикалық экологиялық бағдарламасы аясында Егіндікөл ауданында «Таза жағалау» акциясы ұйымдастырылды. Іс-шараның негізгі мақсаты – қоршаған ортаны қорғау, су айдындарының жағалауларын тазарту және тұрғындардың экологиялық мәдениетін қалыптастыру.

Акцияға аудан мекемелерінің қызметкерлері, еріктілер, жастар және аудан тұрғындары белсенді қатысты. Сондай-ақ шараға Егіндікөл ауданының әкімі Юрий Викторович Курушин мен «Жасыл Ел» Егіндікөл жастар еңбек жасағы қатысып, табиғатты қорғау бағытындағы жұмыстардың маңыздылығын атап өтті.

Акция барысында көл жағалауы тұрмыстық қалдықтар мен қоқыстардан тазартылды. Қатысушылар табиғатты қорғауға өз үлестерін қосып, демалыс орындарының

тазалығы мен көркеюіне атсалысты.

«Таза жағалау» акциясы қоршаған ортаны қорғауға бағытталған маңызды бастамалардың бірі болып табылады. Мұндай іс-шаралар тұрғындардың табиғатқа деген жауапкершілігін арттырып, туған өлкенің тазалығын сақтауға ықпал етеді.

Ұйымдастырушылар акцияға қатысқан барлық азаматтарға алғыс білдіріп, аудан тұрғындарын қоршаған ортаны таза ұстауға және экологиялық

бастамаларды қолдауға шақырды.

Фото

Previous Next