Новости Казкенес
Новости KazKENES«Таза Қазақстан» – тазалық әркімнің өзінен басталады
«Таза Қазақстан» республикалық экологиялық акциясы аясында ауданымызда ауқымды сенбілік ұйымдастырылып, оған аудан әкімі Юрий Викторович Курушин, мемлекеттік мекеме қызметкерлері, жастар ұйымдарының өкілдері, еріктілер және «Жасыл Ел» жастар еңбек жасағы белсене қатысты.
Акцияның басты мақсаты – халық арасында экологиялық мәдениетті қалыптастыру, қоршаған ортаға ұқыпты қарауды насихаттау және туған өлкені көркейту жұмыстарына жұртшылықты кеңінен тарту. Іс-шара барысында қатысушылар қоғамдық орындарды, көшелерді, саябақтар мен гүлзарларды қоқыстан тазартып, абаттандыру жұмыстарын жүргізді.
Аудан әкімі экологиялық акцияға белсенді қатысып, қоршаған ортаның тазалығы мен табиғатты қорғау әрбір азаматтың ортақ міндеті екенін атап өтті. Оның айтуынша, елді мекендердің көркеюі мен тазалығы тұрғындардың бірлескен еңбегі мен жауапкершілігіне байланысты.
Сенбілік барысында аумақтарды тазалау, шөп шабу, тұрмыстық қалдықтарды шығару, қоғамдық және тарихи маңызы бар орындарды ретке келтіру жұмыстары атқарылды. Сонымен қатар көгалдандыру жұмыстарына ерекше көңіл бөлініп, ағаштар мен бұталар отырғызылды. Бұл көшеттер болашақта ауданның сәніне айналып, қоршаған ортаның экологиялық жағдайын жақсартуға өз үлесін қосады.
Жастар мен еріктілер де жоғары белсенділік танытып, табиғатты қорғау мен тазалық сақтаудың маңыздылығын өз іс-әрекеттерімен көрсетті. Олар тұрғындарды қоршаған ортаға жанашырлықпен қарауға шақырып, экологиялық мәдениетті қалыптастыруға өз үлестерін қосты.
«Таза Қазақстан» акциясы туған жерге деген сүйіспеншілік пен жауапкершіліктің жарқын көрінісіне айналды. Бірлескен еңбектің нәтижесінде аудан аумағы тазарып, көркейе түсті. Сонымен қатар бұл шара тұрғындардың экологиялық мәселелерге деген назарын арттырып, қоршаған ортаны қорғау ісіне деген жауапкершілігін күшейтті.
Осындай игі бастамалар қоғамда экологиялық мәдениетті қалыптастыруға және азаматтардың белсенді ұстанымын дамытуға ықпал етеді. Тазалық – әр адамның күнделікті өмір салтына айналуы тиіс. Сонда ғана біз туған өлкеміздің табиғи сұлулығын сақтап, оны келер ұрпаққа аман жеткізе аламыз
Фото
