«Жасыл ел» жобасының екінші маусымы басталды

Жастардың еңбекке деген ынтасын арттырып, қоршаған ортаны қорғауға бағытталған «Жасыл ел» жастар еңбек жасағының екінші маусымы өз жұмысын бастады. Жоба аясында жас сарбаздар туған өлкені көгалдандыруға, көшелер мен саябақтарды тазартуға, ағаш отырғызуға және экологиялық акцияларға белсенді қатысуда. Кейбір өңірлерде жалғызбасты қарттар мен көпбалалы отбасыларға көмек көрсету сияқты әлеуметтік жұмыстар да атқарылуда.

«Жасыл ел» – жастарды еңбекке баулып қана қоймай, табиғатты аялауға, елге қызмет етуге тәрбиелейтін маңызды жоба. Екінші маусымда да көптеген мектеп оқушылары мен студенттер жазғы демалыстарын пайдалы өткізіп, еңбек тәжірибесін жинақтап, алғашқы табысын табуға мүмкіндік алып отыр. Сонымен қатар, олар туған өлкесінің көркеюіне өз үлестерін қосуда.

Жобаға қатысушылардың айтуынша, «Жасыл ел» достықты нығайтып, жауапкершілік пен ұйымшылдықты қалыптастырады. Әрбір отырғызылған ағаш пен тазаланған аула – табиғатқа деген қамқорлықтың нақты

көрінісі.

Табиғатты қорғау – баршамыздың ортақ міндетіміз. Сондықтан «Жасыл ел» қатарындағы жастардың еңбегі көпшілікке үлгі болып, еліміздің экологиялық

мәдениетін дамытуға өз үлесін қоса береді.

Фото

Previous Next