Новости Казкенес
Новости KazKENESТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ
Төлеби аудандық Қоғамдық кеңесінің кезекті отырысы өтті. Жиынды аудандық Қоғамдық кеңестің төрағасы Б.Оралбеков ашып, жүргізді. Жиынға ауданның бірқатар ардагерлері мен тұрғындары қатысты. Күн тәртібінде төмендегі мәселелер қаралды.
1. Кәсіпкерлер палатасы аудан тұрғындарына көрсетіп жатқан қызметтері мен алдағы уақытта атқарылатын іс-шаралары туралы.
2. Қоғалы ауылдық округ әкімі аппаратына және «Жарық жол» КММ-не түскен арыз шағымдардың орындалуы және халықтың тұрмыс жағдайын, әл-ауқатын жақсарту мақсатында атқарылып жатқан жұмыстары туралы.
3. Көксәйек, Тасарық ауылдық округтері аумақтарын көріктендіру, көгалдандыруды дамыту мақсатында атқарылған жұмыстары және санитарлық тазалық жағдайы туралы.
4. Төлеби ауданы әкімінің 2020 жылғы 30 қазандағы «Аудан әкімінің 2018 жылғы 9 қарашадағы №08 «Төлеби ауданының аумағында сайлау учаскелерін құру туралы» шешіміне өзгерістер енгізу туралы» №07 шешіміне өзгерістер енгізу туралы аудан әкімінің шешімінің жобасы.
5. Төлеби ауданы бойынша тұрғын үй сертификаттарының мөлшерін және алушылар санаттарының тізбесін айқындау туралы қаулының жобасы.
Бірінші мәселе бойынша – ТО Кәсіпкерлер палатасы Төлеби аудандық филиалының басшысы М.Мұсаева баяндама жасады. «Атамекен» ұлттық кәсіпкерлік палатасының негізгі мақсаты кәсіпкерліктің өсуі, одан әрі дамуы және мүддесі мен құқықтарын қорғау болып табылады. «Бастау Бизнес» оқу сертификатының негізінде «Атамекен – Түркістан» МҚҰ 2021-2022 жылды қоса есептегенде 16 жоба 147 млн. теңгеге қаржыландырылып, аудан инвестициясына үлес қосылды.
Екінші мәселе бойынша – Қоғалы ауылдық округ әкімі Қ.Қыпшақов баяндамасында 2022 жылдың 8 айында ауылдық округ аппаратына жеке тұлғалардан 40 арыз түсті, заңды тұлғалардан түскен жоқ, олардың барлығы қабылданып өтініш иелеріне уақтылы жауаптар берілді. Округте 8 дүкен, 1 құрылыс заттарын сататын дүкен, 1 ағаш цехы жұмыс жасауда. Осы аталған кәсіпкерлік нысандарда жалпы 12 адам жұмыс атқаруда. Халықтың тұрмыс жағдайын көтеру бағытында 2021 жылы 15 отбасы мал бордақылау алаңшасын ашқан, онда 15 адам жұмыспен қамтылған. 2022 жылы үш жақты келісім түзіліп, келісім аясында дәнді дақыл 1080 га, мақсары 550 га, жаңа екпе шөп 280 га, көкөніс 75 га және картоп 65 га егіліп өнімдері жиналуда.
«Жарық жол» КММ-нің директоры А.Туртаев мекемеге қарасты жалпы жолдардың ұзындығы – 778,99 шақырым. Оның ішінде аудандық маңызы бар жолдар – 144,05 шақырым, 34 жол. Елді мекендердің ішкі көшелері – 634,94 шақырым 404 көше. Ленгір қаласының 13,4 шқ 5 көшеге жол сызығын сызу жұмыстары жүргізілді. Бес ауылдық округ, 10 елді мекеннің 15,09 шақырым 17 көшеге шағал тас төсеу жұмыстары жүргізілді. Жалпы түнгі жарық бағаналарының саны – 4346. 2,373 шақырымды құрайтын жол және көшелерге ағымдағы жөндеу жұмыстары (асфальттау) жүргізілгенің слайд форматы арқылы көрсетті.
Үшінші мәселе бойынша – Көксәйек ауылдық округі әкімі Ж.Сарсаулетов округ аумағын көркейту, көгалдандыру, абаттандыру және санитарлық жұмыстарын атқаруға жергілікті бюджеттен 6 млн. теңге қаржы қарастырылды, бүгінгі таңда осы қаржының 3 млн. теңесі игерілді. Округтің жалпы 33 көшесінде бүгінгі таңда 24 рет санитарлық сенбіліктер ұйымдастырылды. 26 аялдама жаңадан сырланып ағымдағы жөндеуден өтті. 15 нысандардың сыртқы қасбеттері ретке келтірілді. Округке қарасты 33 көше толықтай күл қоқыстардан тазартылды.
Тасарық ауылдық округ әкімі Б.Алтынбеков Оңтүстік, Қаратөбе бағытындағы облыстық маңызы бар жол бойына егілген жасыл желектерді қоршау жұмыстары жүргізілді. Ханарық, Жамбыл елді мекендерінде бей берекетсіз жатқан күл қоқыстардан тазартылды. Округ аумағындағы барлық балалар ойын алаңшалары әктеліп, сырланғаның жеткізіді айтты.
Төртінші мәселе бойынша – аудан әкімі аппаратының ұйымдастырушылық инспекторлық бөлімінің бас инспекторы С.Құлманов Төлеби ауданы әкімінің 2020 жылғы 30 қазандағы «Аудан әкімінің 2018 жылғы 9 қарашадағы №08 «Төлеби ауданының аумағында сайлау учаскелерін құру туралы» шешіміне өзгерістер енгізу туралы» №07 шешіміне өзгерістер енгізу туралы аудан әкімінің шешімінің жобасымен таныстырды.
Бесінші мәселе бойынша – аудандық тұрғын үй-коммуналдық шаруашылық жолаушылар көлігі және автомобиль жолдары бөлімінің бас маманы Г.Жантурина Төлеби ауданы бойынша тұрғын үй сертификаттарының мөлшерін және алушылар санаттарының тізбесін айқындау туралы қаулы жобасын түсіндіріп оң қорытынды келісім беруді сұрады.
Отырыс барысында кеңес мүшелері тараптарынан баяндамашыларға сұрақтар қойылып, жауаптары тыңдалды. Әрбір қаралған мәселе жан-жақты талқыланып, шешімдер қабылданды.