Новости Казкенес
Новости KazKENESМАЛ АЗЫҒЫНЫҢ СУБСИДИЯСЫ ТАЛҚЫЛАНДЫ
Қызылорда облысының қоғамдық кеңесі алаңында биылғы жылдың 28 шілде күні Қызылорда облысы әкімінің бірінші орынбасары С.С. Қожаниязовтың төрағалығымен облыстық ауыл шаруашылығы және жер қатынастары, ветеринария, экономика және қаржы басқармалары басшылары, Қызылорда облыстық мәслихат хатшысы Н.С. Байқадамов, облыстық мәслихат депутаттары, облыстық қоғамдық кеңес мүшелері, кәсіпкерлердің өкілдерінің қатысуымен облыста биылғы жылы мал азығы шығындарын субсидиялау мәселесі арнайы қаралып, талқыланды.
Бекітілген қағидаға сәйкес мал шаруашылығын дамыту, мал азығына жұмсалатын шығындар құнын субсидиялауға қажетті қаржыны облыстық бюджеттің тиісті қаржы жылына көзделген қаражаты шегінде ғана бөлу мүмкіндігі қарастырылған.
Биылғы жылы қуаңшылықтың алдын алу шараларына байланысты жайылымдар мен көлдерді суландыру, каналдарды тазалау, насостар орнатып қашыртқы суларды қайта пайдалану, күріш дақылы көлемін азайту сияқты алдын - алу жұмыстарын жүргізудің нәтижесінде мал азығы дақылдары көлемі мен өнімі артып, бағасы өткен жылғыдан екі еседен астам төмендегені байқалады.
Талқылауға қатысушылар мәселені зерделей келе қазіргі кезде мал азығына субсидия беру мәселесімен қатар облыстық бюджетте кезек күттірмейтін бірнеше өзекті мәселелер қалыптасып отырғанын атап көрсетіп, әуелгі кезекте балабақша тәрбиешілері мен мұғалімдердің еңбекақысы, балаларға арналған үйірмелер тапсырыстарын орналастыру сияқты міндетті әлеуметтік мәселелерге орай жинақталып отырған қаржы төлеу қажеттігін шешуге басымдық беруге тоқталды.