Новости Казкенес
Новости KazKENESҚордай аудандық Қоғамдық кеңесінің кезекті отырысы өтті
Бүгін Қордай аудандық Қоғамдық кеңесінің кезекті отырысы өтіп, онда аудан тұрғындарын алаңдатқан маңызды мәселелер қаралды. Отырысты Қордай аудандық Қоғамдық кеңесінің төрағасы Нұржан Молдабеков ашып, күн тәртібіндегі мәселелердің маңыздылығына тоқталды.
Жиын барысында қоғамдық қауіпсіздік, мемлекеттік қызмет сапасы және жергілікті басқару саласындағы атқарылып жатқан жұмыстар жан-жақты талқыланды.
Күн тәртібіндегі алғашқы мәселе – қылмыс санатының бірі саналатын алаяқтық, оның ішінде интернет алаяқтығының алдын алу бағытындағы жұмыстар болды. Осы мәселе бойынша аудандық полиция бөлімі, аудан әкімдігінің ішкі саясат бөлімі атқарған жұмыстары зерделенді. Кеңес мүшелері интернет алаяқтығының қазіргі таңда қоғам үшін өзекті мәселеге айналып отырғанын атап өтіп, тұрғындардың құқықтық сауаттылығын арттыру, түсіндіру жұмыстарын күшейту және алдын алу шараларын жүйелі түрде жүргізу қажеттігін айтты.
Сонымен қатар, отырыста «Қазақстан Республикасындағы жергілікті мемлекеттік басқару және өзін-өзі басқару туралы» заңына сәйкес 2025–2026 жылдары Степной ауылдық округінде атқарылған жұмыстар туралы мәселе қаралды. Кеңес мүшелері округ әкімдігінің әлеуметтік-экономикалық даму бағытындағы жұмыстарымен танысып, тұрғындарға көрсетілетін мемлекеттік қызметтердің сапасына қатысты зерделеу жүргізді.
Талқылау барысында қоғамдық кеңес мүшелері тарапынан бірқатар ұсыныстар айтылып, жауапты мекемелерге нақты тапсырмалар мен ұсынымдар берілді.
Отырыс қорытындысында күн тәртібіндегі мәселелер бойынша тиісті шешімдер қабылданып, алдағы уақытта жұмыстарды одан әрі жетілдіру қажеттігі атап өтілді.