ҚЫЗЫЛОРДА ОБЛЫСЫНЫҢ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

---

Үстіміздегі жылдың 30 маусымы күні Қызылорда қаласындағы студенттер сарайының мәжіліс залында Қызылорда облысының Қоғамдық кеңесінің кезекті отырысы өтті. Күн тәртібіне сәйкес үш мәселе қаралды.      Олар:
        1. Облыста әлеуметтік маңызы бар азық-түлік бағаларын тұрақтандыру жұмыстарының барысы туралы;

        2. Қызылорда облысы тұрғындарына медициналық  қызмет көрсету жағдайын зерделеу, мониторинг жасау және облыстық денсаулық сақтау басқармасының мемлекеттік қызмет көрсету бағыттары бойынша облыс тұрғындарынан келіп түскен арыз-шағымдарға талдау жасау, басқарма басшысының есебін тыңдау, қорытындысымен ұсыныстар енгізу;

        3. Созылмалы бүйрек жетіспеушілігі бар науқастарға көрсетілетін медициналық қызметті дамытудың жол картасының орындалу барысын талқылау мәселелері.

        Күн тәртібіндегі бірінші мәселе бойынша қоғамдық кеңестің "Ауыл шаруашылығы, табиғатты пайдалану және ауылдық аймақтарды дамыту мәселелері жөніндегі" комиссия төрағасы Б. Нұрхожаевтың баяндамасы тыңдалды.

        Баяндамада әлеуметтік маңызы жоғары азық-түлік түрлерінің  бағаларын  тұрақтандыруға  жауапты  облыстық  ауыл шаруашылығы және жер қатынастары басқармасы мен осы мәселені  тікелей  атқарушы  «Байқоңыр ӘКК» АҚ басқармасының қазіргі  кезеңде  атқарып  отырған  шаралары  мен  жұмыстарына  талдау  жасалды. Әлеуметтік  дүкендер  жұмысына  жүргізілген  мониторинг қорытындыларымен  кемшіліктер  атап  көрсетілді.  Қазіргі  нарық  жағдайындағы  бұл  жұмыстардың  реттілігі  мен тиімділігіне талдау  жасалып  баға  берілді.  Баға  тұрақтылығының  негізгі  факторы ретінде негізгі  азық-түлік  өнімдерін  өзімізде  өндіруге  назар  аудару қажеттілігі  атап  көрсетііліп,  осы  бағытта  жұмыс  жүргізуге  ұсыныстар  берілді.

        Күн тәртібіндегі келесі мәселе бойынша қоғамдық кеңестің "Әлеуметтік мәселелер жөніндегі" комиссия төрайымы А. Абибуллаеваның баяндамасы тыңдалды.

        Қоғамдық кеңестің «әлеуметтік мәселер жөніндегі» комиссиясы  тарапынан күн тәртібіндегі мәселе терең зерттеліп, тиісті  ескертпелер мен қорытындылар, ұсынымдар дайындалған. Түрлі мониторинг, әлеуметтік зерттеулер  жүргізілген. Халыққа  медициналық  қызмет  көрсетудегі, ұйымдастырудағы кемшіліктер нақтыланып, материалдық  базасы мен бюджеті де зерделенген және оны жоюдағы нақты  ұсыныстар берілген. Науқастарды тегін дәрі-дәрмекпен қамту, науқастарға квота бөлу, арыз-шағымдары да зерттелген.

        Сонымен қатар облыстық денсаулық сақтау басқармасы басшысы
С. Пазиловтың есебі тыңдалып, денсаулық сақтау саласындағы кезек күттірмейті мәселелер жөнінде сұрақтар қойылып , талқыланды.

        Үшінші мәселе бойынша Созылмалы бүйрек жетіспеушілігі бар науқастарға көрсетілетін медициналық қызметті дамытудың жол картасының орындалу барысы туралы қоғамдық кеңес мүшесі
А. Шайнұровтың баяндамасы тыңдалып, аталған мәселе бойынша әлі де шешімін таппаған мәселелерге назар аудару ұсынылды. Қазіргі күнге ең басты мәселе нефролог дәрігерлердің жетіспеушілігі және сапалы иммунохимиялық анализатор аппаратын сатып алу.