ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ ЖАҢА ТӨРАҒАСЫ САЙЛАНДЫ.

       Төлеби аудандық Қоғамдық кеңестің кезекті отырысында кеңес төрағасы Сейтхан Ахтаев кеңестің 1 жылда атқарылған жұмыстарына қысқаша түрде тоқталып өтті. Сонымен қатар жақын арада аудандық ардагерлер кеңесінің жұмысы жүктелгеніне байланысты, өз өтініші негізінде аудандық қоғамдық кеңес мүшелерінің келісімен кеңес төрағалығынан босатылды. 
       Қоғамдық кеңес мүшелерінің ұсыныс-пікірлері реттілікпен тыңдалып, 1 үміткер аудандық қоғамдық кеңес төрағалығына ұсынылды. Ашық дауыс беру нәтижесінде бірауыздан Төлеби аудандық Қоғамдық кеңестің төрағасы болып Әбдісаттар Әбдіхалықов сайланды. 
       Әбдісаттар Әбдіхалықов 1954 жылы ОҚО Төлеби ауданы Диханкөл ауылында туылған. Жоғары білімді. Еңбек жолын білім саласынан бастаған. Кейіннен өндіріс, құрылыс, кәсіпкерлік бағытында түрлі жұмыстар атқарған. 2022 жылдан бері Төлеби аудандық Қоғамдық кеңестің екі шақырылымында комиссия төрағасы.

Фото

Previous Next