Қоғамдық кеңес – 2025 жылғы аудандағы қорытындылар.

Келес ауданы әкім аппаратының мәжіліс залында Қоғамдық кеңестің кезекті жоспарлы отырысы өтті.

Күн тәртібінде «Келес ауданының әлеуметтік-экономикалық дамуының 2025 жылғы қорытындылары және алдағы тұрған міндеттер туралы» мәселе қаралды. Аудан әкімі Жәнібек Есенұлы атқарылған жұмыстар мен алдағы жоспарлар жөнінде кеңінен тоқталды. Сонымен қатар, аудандық мәслихат аппаратының басшысы Мурат Мырзалыұлы және аудандық Қоғамдық кеңес төрағасы Ергешбай Жұмабайұлы атқарылған жұмыстар жөнінде баяндамаларын жасады.

Отырыс барысында Қоғамдық кеңес мүшелері аудандық мәслихат депутаттарының елді мекендерде атқарып жатқан жұмыстарымен танысу, халықпен кездесулер барысында көтерілген мәселелердің орындалу барысын қарау жөнінде ұсыныс айтты. Бұл бастама тұрғындармен кері байланысты күшейтуге мүмкіндік беретіні атап өтілді.

Сондай-ақ, аудан аумағындағы автобекеттер мен қоғамдық тасымалдау көліктерінің жұмысын ұйымдастыру, тұрғын үй-коммуналдық шаруашылық, жолаушылар көлігі және автомобиль жолдары салалары бойынша 2025 жылы атқарылған жұмыстар қаралды. Тиісті бөлім басшысы сала бойынша атқарылған жұмыстар туралы ақпарат берді.

Отырыс барысында Абай ауылы ішіндегі көшелерде жауын-шашыннан кейін судың ағатын арнайы жүйелерінің жеткіліксіздігі, сондай-ақ республикалық маңызы бар автомобиль жолының кейбір бөліктерінде су ағызу жүйесін жетілдіру қажеттігі мәселелері қозғалды. Соңғы жауын-шашыннан кейін жол жиегінде су жиналып қалғаны мысал ретінде келтірілді.

Сонымен қатар, Бірлік ауылдық округінің 2025 жылы атқарған жұмыстары жөнінде есеп ұсынылып, округтегі әлеуметтік-экономикалық көрсеткіштер мен жүзеге асқан жобалар баяндалды.

Отырыстын қорытындысы бойынша көтерілген барлық мәселелер назарға алынды.

Фото

Previous Next