Қоғамдық бақылау

Қазақстан Республикасында дәрілік заттарға баға белгілеу тетігін жетілдіру аясында ҚР Денсаулық сақтау министрлігі тарапынан бірқатар жүйелі шаралар қабылданып, халық үшін дәрілік заттардың экономикалық қолжетімділігін арттыруға бағытталған жұмыстар жүргізілуде.

Атап айтқанда, дәрі-дәрмектердің 2900 сауда атауына бағалар қайта қаралып, жаңа шекті бағалар бекітілді. Қазіргі уақытта қоғамда азық-түліктен кейін дәрі-дәрмек бағасы өзекті мәселелердің біріне айналып отыр. Дәрі-дәрмек бағасының негізсіз өсуіне жол бермеу мақсатында Үкімет тарапынан түрлі шаралар іске асырылуда.

Шекті бағалардың сақталуын бақылау, сондай-ақ қала халқының дәрі-дәрмекпен қамтамасыз етілу жағдайын зерделеу мақсатында қалалық Қоғамдық кеңестің мүшелері 2026 жылғы 14 - 23 қаңтар аралығы қалада орналасқан дәріханаларға дәрілік заттардың бағасына қоғамдық бақылау жүргізді.

Кеңес мүшелері қаламыздағы «M-Pharm», Әлеуметтік дәріханалар желісі «Көмек Pharmacom», «Зерде», «Доктор плюс» «Darihana», «Аптека со склада», «Europharma», «Ansar» дәріханалар желісі, «Armcity», «Ansar» , «Данияр», «Доктор Плюс», «Darihana+Aptechka» дәріханалар және өзге де дәріхана нүктелерін аралады.

Дәрілік заттардың бағасын бақылау бір реттік қоғамдық бақылаумен шектелмейді.

Бұл бағыттағы жұмыстар алдағы уақытта да жалғасын табады.

Фото

Previous Next