ҚОҒАМДЫҚ КЕҢЕСТІҢ ТАМЫЗ АЙЫНА ЖОСПАРЛАҒАН КЕЗЕКТІ ОТЫРЫСЫ ӨТТІ

---

Үстіміздегі жылдың 10 тамызында қалалық мәслихаттың мәжіліс залында Қоғамдық кеңестің кезекті отырысы өтті. Жиынға қалалық Қоғамдық кеңес төрағасы және мүшелері, қалалық дербес бөлім басшылары, мамандары, Қызылорда облысы кәсіпкерлер палатасының бөлім басшысы, «Eurasian Expert Coucll» Қоғамдық қорының Қызылорда қаласы бойынша жергілікті үйлестірушісі, БАҚ өкілі қатысты.

Күн тәртібінде «Қызылорда қаласы азаматтарының жекелеген санаттарына тұрақты қалалық қоғамдық көлікте (таксиден басқа) жолақы жеңілдігін белгілеу» туралы, «Жеке кәсіпкерлікті мемлекеттік қолдау және дамыту саласындағы жұмыстар» туралы, «Қызылорда қаласына қарасты Ақсуат, Қызылжарма, Ақжарма, Талсуат, Қызылөзек, Қосшыңырау, Қарауылтөбе ауылдық округтері мен Тасбөгет, Белкөл кенттері бойынша 2022-2023 жылдарға арналған жайылымдарды басқару және оларды пайдалану жөніндегі жоспарларын бекіту» туралы, «Қызылорда қаласына қарасты кейбір елдi мекендердiң шекарасын (шегін) өзгерту және белгілеу» туралы мәселелер қаралды.

Отырыста қаралған мәселелер бойынша жауапты хабарлама жасаған бөлімдерге кеңес мүшелері тарапынан сұрақтар қойылып, бірқатар ұсыныстар берілді. Қалалық тұрғын-үй коммуналдық шаруашылығы, жолаушылар көлігі және автомобиль жолдары бөлімінің «Қызылорда қаласы азаматтарының жекелеген санаттарына тұрақты қалалық қоғамдық көлікте (таксиден басқа) жолақы жеңілдігін белгілеу» мәселесі бойынша қосымша зерделеу жұмыстарын жүргізу жоспарланды.

Сонымен қатар, «Eurasian Expert Coucll» Қоғамдық қорының Қызылорда қаласы бойынша жергілікті үйлестірушісі А.Мұсаеваның Қазақстан Республикасында қоғамдық кеңестерді дамыту жобасы аясында «Қоғамдық кеңестердің апталығы» бойынша қоғамдық кеңес мүшелеріне түсіндірме жұмыстарын жүргізді.