Новости Казкенес
Новости KazKENESҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ
Үстіміздегі жылғы 12 шілде күні күні қала әкімдігінің мәжіліс залында Қоғамдық кеңестің кезекті отырысы өтті. Жиынға қалалық Қоғамдық кеңес мүшелерімен бірге, кеңес төрағасы С.Дүйсенбаев және қалалық мәслихат хатшысы И.Құттықожаев, қала әкімінің орынбасары А.Қасымова, ҚР Мемлекеттік қызмет істері агенттігінің Қызылорда облысы бойынша департамент басшысының орынбасары Б.Байхожаев, қалалық санитарлық эпидемиологиялық бақылау басқармасының басшысы Е.Ұзақбаев, «Сыр Төресі», «Зерентай» лагерлері, қалалық дербес бөлім басшылары мен кент және ауылдық округ әкімдері қатысты.
Күн тәртібінде «Балалардың жазғы демалысын ұйымдастыру жұмыстарының барысы», «Қалалық тұрғын үй инспекциясы бөлімімен көрсетілетін мемлекеттік қызметтер бойынша 2022 жылдың 1-ші жарты жылдықта атқарған жұмыстары» талқыланды.
Отырыста Қоғамдық кеңестің құрамынан шығып қалған мүшелерін алмастыру мақсатында Ауған соғысының ардагері, «Ауған соғысының ардагерлері мен мүгедектерінің кеңесі» ҚБ құрылтайшысы, «Самғау» Қызылорда облысының жастар ҚБ төрағасы Камалов Ғалымжан Тәкенұлы енгізіліп, куәлік табысталды.
Үстіміздегі жылғы 30 маусым күні балалардың жазғы демалысын ұйымдастыру мәселесі бойынша қоғамдық кеңес мүшелері ««Сыр-Төресі» және «Зерентай» лагерлерiнде болып, демалушы балалармен кездесу өткiзіп, бірқатар ұсыныстар жинақтаған болатын. Осы мәселеге байланысты, кеңес отырысы барысында қоғамдық кеңестің «Әлеуметтік-мәдени даму мәселелері» жөніндегі комиссия төрайымы О.Әлімбетова хабарлама жасады.
Сонымен бірге, балалардың жағы демалысын ұйымдастыру мәселесіне байланысты қалалық білім бөлімі басшысының м.а Е.Боданов хабарлама жасады.
Кеңес мүшелері тарапынан күн тәртібіндегі бірінші мәселеге орай «Сыр Төресі» лагері бойынша лагерь аумағын абаттандыру, көгалдандыру, т.б. ПМК-29 мекен-жайында орналасқан «Зерентай» лагеріне бару жолын жөндеуге қала әкімдігіне ұсыныстар берілді.
Сонымен бірге кеңес мүшелері қала аумағында лагерлердің жеткіліксіз екенін жеткізді. Демалыс орындарында балаларды еңбекке, отан сүйгіштікке, қазақи құндылыққа тәрбиелуге баса назар аударуын атап өтті.
Жиын барысында жазғы маусымда балалар бос уақытын тиімді пайдалану үшін тегін спорттық үйірмелердің санын арттырса деген ой-пікірлерімен бөлісті.
Сонымен қатар, қалалық тұрғын үй инспекциясы бөлімі басшысы А.Рысбек қалалық тұрғын үй инспекциясы бөлімімен көрсетілетін мемлекеттік қызметтер бойынша 2022 жылдың 1-ші жарты жылдықта атқарған жұмыстары туралы хабарламасы тындалынды.
Аталған мәселеге байланысыт тұрғын үй кезегінде тұрған тұрғындарға түсіндірме жұмыстарын жүргізу және жүйелі түрде ақпараттандыру тапсырылды.
