ҚАЛАЛЫҚ ҚОҒАМДЫҚ КЕҢЕСТІҢ КЕЗЕКТЕН ТЫС ОТЫРЫСЫ ӨТТІ

---

2022 жылғы 30 мамыр күні қалалық Қоғамдық кеңестің кезектен тыс отырысы өтті.

Отырыста төрағалық еткен С.Дүйсенбаев Қоғамдық кеңес мүшелерін 5 маусымда өтетін референдумды қолдауға шақырып, Ата заң баптарының үштен бірі өзгертілетіндігін, референдум Жаңа Қазақстанның алға дамуына тың серпін беретіндігіне сенетіндігін жеткізді.

Отырыстың күн тәртібіне «Қызылорда қаласы бойынша 2022 жылға мүгедектер үшiн жұмыс орындарына квота белгiлеу туралы» «Қызылорда қаласы бойынша 2022 жылға жұмыс орындарына квота белгiлеу туралы», «Қызылорда қаласына бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидаларын бекіту туралы» мәселелері шығарылып, талқыланды.

Күн тәртібіндегі мәселелерге байланысты қалалық жұмыспен қамту, әлеуметтік бағдарламалар және азаматтық хал актілер тіркеу бөлімі басшысының орынбасары А.Қиясова, қалалық сәулет және қала құрылысы бөлімі басшысы Ғ.Қожахметов хабарлама жасап,Қоғамдық кеңес мүшелері тарапынан қойылған сауалдарға жауап берді.

Кеңес мүшесі, қала әкімінің орынбасары Б.Нұридинов басқа қызметке ауысуына байланысты өз өтініші негізінде Қоғамдық кеңес құрамынан шығарылып, жұмысшы топпен қалыптасқан резервтік тізімнен азаматтық қоғам өкілі Ауған соғысының ардагері, «Ауған соғысының ардагерлері мен мүгедектерінің кеңесі» қоғамдық бірлестігінің құрылтайшысы, «Самғау» Қызылорда облысының жастар қоғамдық бірлестігінің төрағасы Ғ.Камалов кеңес құрамына енгізілді.