ТӨЛЕБИ АУДАНДЫҚ ҚОҒАМДЫҚ КЕҢЕС МҮШЕЛЕРІ БІЛІМ БЕРУ МЕКЕМЕЛЕРІНДЕ

---

       Аудандық Қоғамдық кеңестің мүшелері қоғамдық кеңестер апталығы аясында «білім беру» тақырыбында іс-шаралар жоспарына сәйкес, бірқатар білім беру мекемелерінің қысқы маусымға даярлық жұмыстарымен, оқушылардың оқулықтармен қамтылуын, «Мектепке жол» акциясының өтілу барысымен танысты.  
       Майбұлақ ауылы жалпы орта мектебі,  Тасарық ауылындағы Т.Тоғысбаев атындағы жалпы орта мектебі, Шұбарағаш ауылы шағын бастауыш мектебі, Төңкеріс ауылы  бастауыш мектебі және Көксәйек ауылы бастауыш мектептерінің жылу жүйелерін биылғы жылы ғазға қосу жұмыстары жүргізіліп жатыр. Сметалары жасалып қажетті қаржы қарастырылып, мердігер мекемелер анықталуда. Қасқасу ауылындағы Б.Түлкиев атындағы жалпы орта мектебіне-241 тонна, Керегетас ауылындағы шағын жалпы жинақы мектебіне-181 тонна және Кенесарық ауылындағы Б.Биболатұлы атындағы жалпы орта мектебіне-231 тонна қатты отын көмірлері түсірілді. Жылыту қазандықтары мен жылу жүйелерінің жағдайлары қанағаттанарлық. Ленгір қаласындағы №3 П.Тәжібаев атындағы жалпы орта мектебі мен №1 жалпы орта гимназия мектебінің жылыту қазандықтары газға қосылған жылыту жүйелері сығымдаудан (опрессовка) өткізілген, ақаулар анықталған жоқ.

     Жалпы мониторинг жүргізілген мектептерде оқушыларды оқулықтармен қамту, әлеуметтік статусқа ие балаларға қаражат қарастырылып, киім-кешек, мектеп құралдарымен қамтамасыз ету акциясы жүзеге асырылып жатыр.

#QQWeek

#HalyqApta