Қордай аудандық Қоғамдық кеңестің кезекті отырысы өтті

Бүгін «AMANAT» партиясы аудандық филиалының мәжіліс залында аудандық  Қоғамдық  кеңестің кезекті отырысы өткізілді.
Жиынды кеңес төрағасы Нұржан Молдабеков ашып, кеңестің күн тәртібіндегі мәселелермен таныстырды. Отырысқа қоғамдық кеңес мүшелері мен бөлім басшылары қатысты.
Күн тәртібінде бірқатар маңызды мәселелер қаралды. Онда Ауданда үйлесімді қоғамдық қатынастарды дамыту,  елімізде тұратын барлық этностар арасында қазақ халқының тілін, тарихын, дәстүрлерін, гуманитарлық және адамгершілік қағидаттарын танымал етуге ықпал жасау жөніндегі атқарылған жұмыстары туралы, ауданда абаттандыру, санитарлық –  тазалық жұмыстарының орындалуы және аудан әкімінің өкіміне және Жамбыл облысының прокурорының хатына сәйкес Құқықбұзушылықтың алдын алу, оған қоғамды кеңінен тарту және кәмелетке толмағандар арасындағы құқықбұзушылықтың профилактикасы туралы есебі тыңдалды.
Жауапты тұлғалар күн тәртібіндегі мәселелер бойынша есеп беріп, Қоғамдық кеңес мүшелері тарапынан нақты ұсыныстар мен ескертулер айтылды. 
Жиын соңында кеңес төрағасы Нұржан Смағұлұлы қорытындылап, айтылған ұсыныс-пікірлерлер бойынша нақты шешімдер қабылданды.
 

Фото

Previous Next