Түркістан облысы Сарыағаш аудандық Қоғамдық кеңес мүшелері аудандағы әлеуметтік нысандардың жылу маусымына дайындығына қоғамдық мониторинг жүргізді

Қоғамдық кеңес мүшелері аудандағы әлеуметтік нысандардың жылу маусымына дайындығына қоғамдық мониторинг жүргізді

Қоғамдық кеңес мүшелері аудандағы бірқатар әлеуметтік маңызы бар нысандарды аралап, алдағы 2025–2026 жылдардағы жылу беру маусымына дайындық жұмыстарымен танысты.

Мониторинг тобы білім беру, денсаулық сақтау және мәдениет саласындағы мекемелерді арнайы кесте бойынша аралап шықты. Атап айтқанда, мектептер, балабақшалар, аудандық аурухана мен кітапхана ғимараттарының жылу жүйесінің ахуалы, қазандықтардың техникалық жағдайы, көмір жеткізу мен сақтаудың ұйымдастырылуы және ішкі жылу жүйелерінің жаңартылуы тексерілді.

Кеңес мүшелері нысандардың басшыларымен және жауапты қызметкерлерімен кездесіп, жылу маусымына дайындық барысында кездесетін өзекті мәселелер мен оларды шешу жолдарын талқылады. Мониторинг барысында бірқатар кемшіліктер де анықталып, тиісті мекемелерге ұсыныстар жолданды.

Қоғамдық кеңес төрағасының айтуынша, мұндай қоғамдық бақылаудың мақсаты — тұрғындар үшін маңызды нысандардың қысқы маусымға толық әрі сапалы дайын болуын қамтамасыз ету. Кеңес мүшелері бұл бағыттағы бақылау жұмыстарын әрі қарай да жалғастыратынын мәлімдеді.

Фото

Previous Next