Қоғамдық кеңес

Қоғам дабылына кеңес үн қатты.

          Облыста жарық бағасын өсіруге қатысты әңгіме қозғалғаннан бері халық наразылық туғызды. Өйткені электр энергиясының қымбаттауы халықтың әлеуметтік жағдайына, кәсіпкерліктің дамуына және облыстың экономикалық тұрақтылығына әсерін тигізері анық. Осыған байланысты, облыстық қоғамдық кеңестің Экономика және өңірлі даму мәселелері туралы комиссиясы кеңейтілген мәжіліс өткізді. Кеңес мүшесі, белгілі заңгер Салтанат Рахимова атап өткендей, «Атырау жарық» компаниясының тарифті көтеруі негізсіз. 2016–2024 жылдар аралығындағы аудит қорытындыларына сәйкес, «Атырау Жарық» АҚ-ның қаржылық жағдайы "шартсыз оң" деп бағаланған. Бұл компанияда дағдарыс белгілерінің жоқ екенін және тұрақты қызметті қамтамасыз етуге жеткілікті ресурстары бар екенін білдіреді. Бір жылға жетпейтін уақыт бұрын электр энергиясына тариф көтерілген болатын.  Бүгінгі күнге дейін компания бұл қосымша табыстардың қалай пайдаланылғаны туралы ашық талдау ұсынбады және бұрынғы тарифті көтеру қазіргі шығындарды жабуға жеткіліксіз екенін дәлелдеген жоқ.

          Облыстық қоғамдық кеңестің белсенді мүшесі Дидар Хамзин монополист мекеме өз міндеттерін орындай алмаса, маңызды құрылымды мемлекет меншігіне беру қажет деп санайды.

          Осы мәселелерді ескере отырып, қоғамдық кеңес электр қуаты тарифінің қымбаттауын қайта қарауды ұсынды. Ұсыныс Қазақстан Республикасы Энергетика министрлігіне, Атырау облысы әкімдігіне, Атырау облыстық мәслихаты мен  Атырау облысы бойынша монополияны реттеу департаментіне жолданды.

Фото

Previous Next