ЖОЛ ҚАУІПСІЗДІГІ ҚОҒАМДЫҚ КЕҢЕС НАЗАРЫНДА

Бүгін Қызылорда қалалық Қоғамдық кеңес мүшелері жауапты сала өкілдерімен бірге қаладағы бірқатар нысандарын аралап, аялдамалар және ондағы жол белгілері, автотұрақтардың жәй-күйін зерделеп қайтты. Қоғамдық кеңес мүшелері тарапынан берілген ұсыныстар:

1. Жол кептелесінің алдын алу мақсатында Қазыбек би мен Әйтеке би көшелерінің қиылысында орналасқан («Жаншуақ», Азамат» сауада дүкендері) жолдағы жаяу жүргіншілер жолағын алып тастау;

2. Қазыбек би көшесінен Әйтеке би көшесіне қоғамдық көліктен басқа жеке көліктерге солға бұрылуға тыйым салу;

3. Қазыбек би мен Иса Тоқтыбаев көшелерінің қиылысындағы жабайы сауданы болдырмау;

4. Автотұрақ салу мақсатында «Қорқыт ата» саябағы жанындағы арықтардың бетін темір тормен жабу;

5. Қаладағы жаңадан салынатын кез келген ғимараттардың құрылысына рұқсат берерде автотұрақ қарастыру;

6. Қорқыт ата мен А. Байтұрсынов көшелерінің қиылысындағы «Агропром» аялдамасына аялдама белгісін немесе аялдама орнату. Сонымен қатар, қоғамдық көліктердің аялдауына қолайлы болуы үшін жолға қалташық жасау;

7. Қорқыт ата көшесінен А. Байтұрсынов көшесіне қосымша оң жақ бұрылыс жасау ұсынылды.

Осы берілген ұсыныстар алдағы болатын қалалық Қоғамдық кеңестің кезекті отырысында қаралып, орындалуы талқыланатын болады.

Фото

Previous Next