Новости Казкенес
Новости KazKENESАтырау облыстық Қоғамдық кеңесінің кезекті отырысы өтті
2022 жылдың 20 шілдесі күні ҚР "Қоғамдық кеңестер" туралы Заңына сәйкес, Атырау Облыстық Қоғамдық кеңесінің мүшелері Денсаулық сақтау басқармасының қызметін тыңдады. Кеңес отырысына облыс әкімінің орынбасары Қ.Бекенов, Сыбайлас жемқорлыққа қарсы қызмет мекемесінің басшысы Е.Досанов, Атырау облысы бойынша тексеру комиссиясы төрағасының міндетін атқарушы А.Құмаров, денсаулық сақтау мекемелерiнiң бiрiншi басшылары, БАҚ өкілдері қатысты. Кеңес отырысын кеңес төрағасы М.Ізбасов ашып, жүргізді.
Күн тәртібі бойынша облыстық Денсаулық сақтау басқармасының басшысы А.Байдувалиев атқарылған жұмыстарды баяндады.
Бүгінгі таңда облыстық денсаулық сақтау жүйесінде 35 мемлекеттік медициналық ұйым, атап айтқанда, 11 қалалық стационар, 7 аудандык стационар мен емхана, 6 қалалық емхана, 2 дәрігерлік амбулатория, 8 жеке меншік бастапқы медициналық-санитариялық көмек көрсету ұйымы жұмыс жасайды. Өткен 2021 жылы 69,4 млрд тенге қаражат бөлініп, қаражат көлемі 2020 жылмен салыстырғанда 16,4 пайызға өскен. Биылғы 2022 жылы қаржыландыру көлемі -68, 6 млрд тенге, оның iшiнде жергілікті бюджеттен 8,3 млрд, республикалық бюджеттен 2,5 млрд. тенге. Әлеуметтік медициналық сақтандыру қоры арқылы 57,8 млрд қаржы бөлінген. Облыста медициналық ұйымдардың жабдықталу деңгейін жоғарлату мақсатында соңғы 3 жылда жергілікті бюджеттен 8, 2 млрд.тенге бөлініп қажетті медициналык техника сатып алынған. Бүгінде облыс бойынша мед.техникамен жарақтандыру деңгейі 92,3 пайыз. 2022 жылдың 5 айында жалпы өлім көрсеткіші өткен жылмен салыстырғанда 8,3-ға төмендеген. Туберкулезден болатын өлім 44,4%-ға, қатерлі ісіктен сырқаттанушылық 78,9% - ға, қатерлі ісіктен болатын өлім-83,7% төмендеген, туберкулезбен ауыратындар 18,5% ға төмендеген, қан айналым жүйесінен болатын өлім-4%-ға төмендеген. Алайда, қан айналым жүйесімен ауру-12, 4%-ға өскен. Проблемалық мәселелерде жоқ емес.
Кадр тапшылығы, материальдық техникалық базаның кемшіліктері, Атырау қаласындағы медициналық ұйымдардың инфраструктурасының төмен деңгейлігі. Басқарма басшысы А. Байдувалиев баяндамасында ағымдағы жылға арналған міндеттер мен жоспарларын атап өтті. Олар: 1.Облыста кадр тапшылығы бойынша нақты шаралар қабылдау, әкімдік тарапынан бөлінетін білім грантының санын арттыру.2. Инфрақұрылымды дамыту жаңа типтік емхана мен ауруханалар құрылысын бастау. 3.Медициналық қызметкерлердiң біліктілігін арттыру. Біліктілікті арттыру бойынша жол картасын бекіту 4. Тұрғындарға сапалы әрі қол жетімді медициналық көмекті ұйымдастыру үшін жаңа жоғары технологиялық көмекті енгізу. 5. Медициналық көмекті одан әрі жетілдіру және күнделікті мониторинг жасау ушін облыстық және Ситуациялық Орталықтарын ашу. Медициналык ұйымдарының басшыларын ынталандыру мақсатында жалақыларын көтеру. Кеңес мүшелері Н.Камалова, В. Сутягин, Р.Күміскалиев, А.Хайруллин, М.Кулушева, Г.Елешева, М.Ликаров, Б.Искакова сұрақтар қойып, ұсыныс-пікірлерін бiлдiрді, жемқорлыққа қарсы қоғамдық бақылау комиссиясының мүшесі С.Рахимова мемлекеттік сатып алу порталына жүргiзiлген мониторинг бойынша, денсаулық сақтау басқармасына қарасты кейбір емхана басшыларының ақша аудару әрекеттерінде сыбайлас жемқорлық фактілерінің орын алып тұрғанын айтып, дәлелдемелер келтiрдi. Мысалы: емхана 05.05.2021 жылы автокөліктерге техникалық қызмет көрсету, диагностика жасау және автокөліктерді жуу қызметін сатып алу үшін ЖК-мен жасалған келісім шарт бойынша 06.05.2021 жылы жұмыстардың жасалғаны жөнінде жалған акт жасақталып, 11.05.2021 жылы 4 млн. 170 мың тенге толықтай аударылып кеткен. Мекеменің жүргізушілері өздерінің жүргізетін қызметтік автокөліктеріне ешбір жөндеу, көлік жуу қызметінің көрсетілмегенін айғақтап түсініктемелерiн берген. Жүргізілген мониторинг, қоғамдық бақылаудың нәтижесі сыбайлас жемқорлыққа қарсы қызмет мекемесiне жолданады.
Сондай--қ Кеңес отырысында Атырау облысы бойынша Тексеру комиссиясы төрағасының міндетін атқарушы А.Кумаров денсаулық сақтау басқармасына жүргізілген аудит бойынша баяндады. Кеңес денсаулық сақтау басқармасының жұмысын тыңдау нәтижесімен Қарар қабылдады, отырысты төраға М. Ізбасов корытындылады.