Новости Казкенес
Новости KazKENESҚоғамдық кеңестің кезекті отырысы туралы
ҚР Мемлекеттік қызмет істері агенттігінің Павлодар облысы бойынша департаменті жанындағы облыстық қоғамдық кеңес пен Ведомствоаралық жұмыс тобының бірлескен отырысында облыстың денсаулық сақтау саласында мемлекеттік қызмет көрсету сапасы, ауылдық жерлерде тұратын халықтың өмір сүру жағдайын жақсарту және ауыл тұрғындарының табысын арттыру мәселелері қаралды. Отырысқа басқарма басшылары, қала және аудан әкімдерінің орынбасарлары, қоғамдық кеңес төрағалары, облыстың медициналық мекемелерінің басшылары шақырылды. ҚР Мемлекеттік қызмет істері агенттігінің облыс бойынша департаментінің басшысы, Ведомствоаралық жұмыс тобының төрағасы Ержан Қарымсақов Денсаулық сақтау саласында мемлекеттік қызмет көрсету сапасы туралы ақпарат берді. Қоғамдық кеңестің мүшесі Регатунова Марина денсаулық сақтау саласында көрсетілетін мемлекеттік қызметтердің сапасын бағалау бойынша қоғамдық мониторинг нәтижелерін ұсынды. Қоғамдық кеңес мүшелері өздерін қызықтырған сұрақтарға «Данель» ММ (Әубанова Гүлфаз), «Poliklinika №1» ЖШС (Туребаев Алтай), «Almaz Medical Group» ЖШС (Нысанбеков Қуаныш), «Павлодар облысы бойынша әлеуметтік медициналық сақтандыру қоры» КЕАҚ филиалы (Касимов Нұрлан), облыстық денсаулық сақтау басқармасы (Арыстанова Сәуле) медициналық мекемелерінің басшыларынан жауап алды. Мәселені талқылауға кеңес мүшелері Жанғазы Еркеғали, Чидунчи Ирина, Ведомствоаралық жұмыс тобының өкілдері Қарымсақов Ержан, Каирденова Нұргүл, Омарова Гаухар қатысты. Ауыл тұрғындарының өмір сүру жағдайын жақсарту мәселесі бойынша қоғамдық кеңестің агроөнеркәсіптік кешенді дамыту мәселелері жөніндегі комиссиясының төрағасы Түсіпбеков Жамбыл сөз сөйледі. Ол қатысушыларға ауылдық елді мекендердегі жағдай туралы ақпарат беріп, өз ұсыныстарын айтты. Қоғамдық кеңес мүшелері Тұрғынбай Асылбек, Левченко Владимир, Дубовицкий Юрий, Сальменбаев Зейнолла, Қазылова Гүлзира,Берковский Владимир, Баткеев Бақытбек, Қожабеков Аймұхамбет проблемалық мәселелер бойынша өз пікірлерін білдірді. Барлық қойылған сұрақтарға ауыл шаруашылығы басқармасының басшысы Мұқашев Нұрболат, облыс бойынша жер ресурстарын басқару департаменті басшысының орынбасары Медеу Болат жауап берді. Қаралған мәселелердің қорытындысы бойынша отырысқа қатысушылар нақты шешімдер қабылдап, ұсыныстар берді.