ШЫМКЕНТ: ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

---

2022 жылдың 29 маусым күні Шымкент қалалық қоғамдық кеңесінің кезекті отырысы өтті.

Отырыстың күн тәртібіне сәйкес қаладағы құрылыс нысандарына бөлінген қаржылардың игерілуі, мемлекеттік бағдарламалардың орындалуы және Шымкент қаласындағы құрылыс нысандарының сапасы туралы тиісті басқарма басшыларының жұмыс есебі тыңдалып, кеңес құрамы тарапынан ұсыныстар мен пікірлер ортаға салынды.

         Отырыста сонымен қатар бірнеше нормативті-құқықтық акт жобалары қаралды.

Олар:

«Шымкент қаласы бойынша жерлеудің және зираттарды күтіп ұстау ісін ұйымдастырудың қағидаларын бекіту туралы» Шымкент қалалық мәслихатының 2019 жылғы 27 маусымдағы № 51/430-6с шешіміне өзгеріс енгізу туралы» Шымкент қалалық мәслихатының  шешімінің жобасы;

«Шымкент қаласы бойынша әлеуметтік маңызы бар азық-түлік тауарларына бөлшек сауда бағаларының 2022 жылдың төртінші тоқсанына арналған шекті мәндерін бекіту туралы» Шымкент қаласының әкімдігінің қаулы жобасы;

Шымкент қаласы әкімдігінің 2020 жылғы 4 ақпандағы № 54 «Шымкент қаласының агроөнеркәсіптік кешен саласында инновациялық жобаларды іріктеуді ұйымдастыру қағидаларын бекіту туралы» қаулысына өзгерістер енгізу туралы қаулы жобасы.

Аталған акт жобалары кеңінен талқыға түсті.

Шымкент қаласындағы жерлеу үшін берілетін жерлерді стандартқа сай етіп бекіту және зираттарды күтіп ұстау жұмыстарын тиісті деңгейінде жүргізу, азық-түлік бағасын тұрақтандыру мен әлеуметтік тауарлардың шектік мәніне қатысты да бірқатар ұсыныстар хаттамаға еніп, орындалуын тездету ұсынылды.

Айтылған ұсыныстар мен пікірлер бойынша хаттама түзіліп, бақылауға алынады.