Атырау облыстық қоғамдық кеңесінің сыбайлас жемқорлыққа қарсы қоғамдық бақылау, құқық қорғау мәселелері жөніндегі комиссия  Департамент басшылығымен кездесті

---

 Атырау облыстық қоғамдық кеңесінің сыбайлас жемқорлыққа қарсы қоғамдық бақылау, құқық қорғау мәселелері жөніндегі комиссия мүшелері 23 маусым күні Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Атырау облысы бойынша Департаментінің басшылығымен кездесті.
Департамент басшысы Досанов Ерлан Азаматұлы тергеу қызметі бойынша, жедел-іздестіру қызметі бойынша және құқық бұзушылықтың алдын алу ісі бойынша орынбасарларын қатыстыра отырып, комиссия мүшелерімен кездесіп жемқорлықпен күрес жұмысының жай-күйін таныстырды.
Комиссия мүшелері  Департаменттің 2021 және 2022 жылдың 1 жартыжылдығында атқарылған жұмыстарының есебін тыңдауға дайындық барысында алдын-ала отырыста жинақталған сұрақтарын қойып, кейбіреулеріне сол жерде нақты жауап алса, кейбір сұрақтарға  Департамент тарапынан жауап дайындалып, қосымша жолданатын болды. 
Департамент өздерінің Қоғамдық кеңес мүшелеріне, жалпы қоғам өкілдеріне  толық ашық екенін көрсетті.