Атырау облыстық қоғамдық кеңесінің сыбайлас жемқорлыққа қарсы қоғамдық бақылау, құқық қорғау мәселелері жөніндегі комиссия отырысы өтті

---

Атырау облыстық қоғамдық кеңесінің сыбайлас жемқорлыққа қарсы қоғамдық бақылау, құқық қорғау мәселелері жөніндегі комиссия 21 маусым күні кезекті отырысын өткізді. Ол отырыста комиссия мүшелері Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Атырау облысы бойынша Департаментінің 2021 және 2022 жылдың 1 жартыжылдығында атқарылған жұмыстарының есебін алдын-ала талдады. 
    Комиссия мүшелерінде сыбайлас жемқорлық қылмысының өсіп отыруына байланысты бірқатар сұрақтар туындады. Жемқорлықтың алдын алу бағытында нақты қандай шаралар жүзеге асырылып отырғанын нақтылау қажет. Сонымен қатар, комиссия мүшелері сыбайлас жемқорлықпен күресті күшейту мақсатында заң актілеріне өзгерістер енгізу туралы ұсыныстар беру қажет деген тұжырымга келді.  
    Сыбайлас жемқорлықпен күрестегі маңызды мәселелер бойынша Департамент басшылығымен алдын ала кездесіп, сұрақтарға жазбаша жауап алу керектігі анықталды.