Новости Казкенес
Новости KazKENESҚОҒАМДЫҚ КЕҢЕСТЕР ҚЫЗМЕТІ ЖАҢҒЫРУ ЖОЛЫНДА
Жамбыл облыстық Қоғамдық кеңесінің Төралқа отырысы 30 маусым күні аудандық Қоғамдық кеңестер төрағаларының қатысуымен өткізілді.
Күн тәртібінде ҚР Мәдениет және ақпарат министрлігі әзірлеген Барлық деңгейдегі Қоғамдық кеңестердің қызметін жандандыру бойынша іс-қимыл жоспарында қамтылған Қоғамдық кеңестердің халық үшін аса сезімтал мәселелерді қарау мен шешудегі ұстанымын күшейтуге бағытталған іс-шаралар баяндалды.Атап айтқанда, Қоғамдық кеңестер жұмысының тиімділігін арттыру мақсатында Министрлік жанынан Қоғамдық кеңестердің үйлестіру орталығы құрылды.
Облыстардың, республикалық деңгейдегі Қоғамдық кеңес төрағалары енгізілген үйлестіру орталығы қоғамдық маңызды мәселелер бойынша Қоғамдық кеңестер өкілдерінің жүйеленген ортақ пікірін әзірлеу үшін барлық деңгейдегі қоғамдық кеңестердің қызметін үйлестіретін консультативтік-кеңесші орган болып табылады.
Үйлестіру орталығы әзірлеген Қоғамдық кеңес мүшелерінің қызметін бағалау әдістемесі KPI арқылы 7 өлшемшарт бойынша тиімділікті бағалау көрсеткіштері анықталып, әрбір мүшенің тиімділік көрсеткіші қоғамдық кеңестің жалпы қызметіне тікелей ықпал ететіні туралы айтылды.
Қоғамдық кеңестердің қызметі туралы азаматтардың хабардар болу деңгейін арттыру жөніндегі шараларды БАҚ көздеріне, әлеуметтік желілерге, kazkenes.kz интернет порталына жарияланымдар орналастыру арқылы жүзеге асырудың маңыздылығы отырысқа қатысушы кеңес төрағаларының назарына жеткізілді.
Сонымен қатар Қоғамдық кеңес төрағасы Дүйсеналы Бықыбаев облыстық Қоғамдық кеңес отырыстарына қалалық және аудандық Қоғамдық кеңес төрағаларының онлайн қатысуы, басқа да іс-шараларға қатысуын қамтамасыз ету туралы уәкілетті органның тапсырмасы аясында алдағы уақытта жұмыстарды тиімді ұйымдастыру шараларына тоқталып өтті.
Төралқа отырысында “Қоғамдық кеңестердің қызмет саласындағы әкімшілік деректер жинауға арналған нысандарын бекіту туралы” ҚР Мәдениет және ақпарат министрінің 2025 жылғы 15 қаңтардағы N10-НҚ бұйрығы негізінде 5 нысан бойынша мәліметтерді 1-ші жартыжылдықта атқарылған жұмыстар арқылы жинақтау тапсырылды.
2025 жылы қалыптастырылған Қоғамдық кеңестердің IV-құрамының төрағалары облыстық Қоғамдық кеңестің аймақтағы халық арасында туындаған мәселелерден әрдайым хабардар болу мақсатында аудандық кеңестермен тұрақты байланыста болуы аса қажет екендігін толық қолдайтындарын айтып, ҚР “Қоғамдық кеңестер туралы” Заңымен айқындалған міндеттерді бірлесе жауапкершілікпен атқарудың маңыздылығын жеткізді.
Қоғамдық кеңестің Төралқа отырысы қалалық және аудандық Қоғамдық кеңестер төрағаларының қатысуымен өткізілді.
Күн тәртібінде уәкілетті орган бекіткен “Барлық деңгейдегі қоғамдық кеңестердің қызметін жандандыру бойынша ііс-қимыл жоспарын” іске асыру жөнінде сюжет JAMBYL TV телеарнасының AIQYN AQPARAT жаңалықтары арқылы көрсетілді.
Фото
