ШЫМКЕНТ:ҚОҒАМДЫҚ КЕҢЕС ОТЫРЫСЫ ӨТТІ

Шымкент қаласы Қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Бұхарбай Рысқұлұлы Парманов жүргізіп отырды.

Жиынға Мәдениет және ақпарат министрлігі Азаматтық қоғам істері комитеті Қоғамдық кеңестердің қызметі мәселелері басқармасының басшысы Гүлмира Ақылбекқызы Қабиева, кеңес мүшелері, БАҚ өкілдері қатысты.

Күн тәртібіне сәйкес әлеуметтік даму жоспары индекаторларының орындалуы туралы экономика және бюджеттік жоспарлау басқарма басшысының орынбасары Жүсіпов Құдырет Райсұлының, 2024 жылдың қорытындысы бойынша қалалық бюджеттің орындалуы және игерілуі туралы қаржы басқармасының басшысы Бақтыбаев Руслан Бақытбекұлының, қала тұрғындарын сапалы қоғамдық көлік қызметімен қамту, қаладағы жол құрылысы мәселелері туралы жолаушылар көлігі және автомобиль жолдары басқармасының басшысы Ибрагимов Ролан Бекмағамбетұлының баяндамалары тыңдалды.

Қоғамдық кеңес мүшесі Битасов Қайрат Әлиханұлына мемлекеттік сатып алу саласына қоғамдық бақылау жүргізіп, қорытындысы бойынша кеңес мүшелеріне өз ұсынысын баяндады. Ұсынысы кеңес мүшелері тарапынан қолдау тауып, мемлекеттік мекемеге жолданылатын болып шешті.

Ағымдағы жылдың 4 айының қорытындысы бойынша қаланың әлеуметтік-экономикалық көрсеткіштерінде оң динамика қалыптасты.

Атап айтқанда, тартылған инвестиция 54 пайызға, пайдалануға берілген тұрғын үй алаңы 32,5 пайызға, өнеркәсіптегі өнім көлемі 23,4 пайызға, құрылыс жұмыстары 20,5 пайызға, сауда көлемі 19,8 пайызға, көлік қызметі

7,2 пайызға, ауылшаруашылығы өнім көлемі 3,1 пайызға артты.

Қаланың қысқа мерзімді экономикалық өсімі 19,4 пайызды құрап, республика бойынша алдыңғы үштікке енді.

Жалпы қала экономикасындағы оңды өзгерістер бюджет кірісінің артуына ықпал етіп, жоспарланған көрсеткіштерге қол жеткізілді.

Бюджет қаражатының сапалы толық игерілуіне жауапкершілікті күшейту шаралары тұрақты бақылауда.

Мәселен, 2023 жылы бюджетті атқару барысында жіберілген кемшіліктер үшін 31 қызметкерге шара қолданылған, оның ішінде: 2 қызметкер жұмыстан босатылған, 2 қызметкерге қатаң сөгіс, 11 қызметкерге сөгіс, мамандарға 16 қызметкерге ескерту берілген.

Жыл бойында бюджеттің сапалы атқарылуына байланысты бюджеттік бағдарлама әкімшілерімен бірқатар іс-шаралар атқарылды.

Қалада қоғамдық көлік жүйесін жетілдіру, жолаушыларға қолайлы жағдай жасау және көлік паркін жаңарту бағытында бірқатар іс-шаралар қолға алынуда.

Бүгінгі таңда 82 тұрақты маршрутта күнделікті 984 автобус жолаушыларды тасымалдауда. Оның ішінде 79 маршрут әлеуметтік маңызы бар маршруттар ретінде айқындалған. Аталған бағыттарға 11 көлік компаниясы қызмет көрсетеді. Ағымдағы жылдың 4 айының қорытындысы бойынша, қоғамдық көлікпен 26 607 827 жолаушы тасымалданған.

Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.

Фото

Previous Next