ҚОҒАМДЫҚ КЕҢЕС ОТЫРЫСЫ ӨТТІ

Шымкент қаласының Қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Әлтеев Бауыржан Ілімшаұлы жүргізіп отырды.

Отырысқа қоғамдық кеңес мүшелері, тиісті басқарма басшылары, БАҚ өкілдері қатысты.

Күн тәртібіне сәйкес Шымкент қаласының жылу беру маусымына дайындық жұмыстарының барысы мәселесі қаралды.@ Энергетика жән инфрақұрылымды дамыту басқармасының, аудан әкімдіктерінің, «3-Энергоорталық» АҚ-ның, «Қуатжылуорталық-3» МКК-ның, «QAZAQGAZ AIMAQ» АҚ-ның басшыларының баяндамалары тыңдалып, кеңес мүшелерінің сұрақтарына жауап берілді.

Энергетика жән инфрақұрылымды дамыту басқармасының айтуынша қала аумағындағы 2107 көпқабатты тұрғын үйлерден дайындалғаны 2064 үй (98%)және 463 бюджеттік мекемелерден дайындалғаны 463 мекеме(100%).

Анықтама:

- білім саласы 256 мекемеден дайындалғаны 256 мекеме (100%);

- денсаулық сақтау саласы 100 мекемеден дайындалғаны 100 мекеме (100%);

- спорт саласы 29 мекемеден дайындалғаны 29 мекеме (100%);

- мәдениет саласы 61 мекемеден дайындалғаны 61 мекеме (100%);

-Әлеуметтік саласы 17 мекемеден дайындалғаны 17 мекеме (100%);

Жалпы қаланың 2024-2025 жылдардағы жылу беру маусымына дайындық жұмыстарының барысы бақылауға алынған, апта сайын тұрақты мониторинг жүргізілуде екенін жеткізді.

Алайда кеңес мүшелері алдағы жылу маусымына алаңдаушылық білдіріп, жылда болатын мәселелер биылғы жылы қайталанбайтынына күмәнмен қарайтындарын айтып, жылу маусымына дайындықты күшейтуді сұрады.

Келесі болып 2023 жылы Шымкент қаласы бойынша негізгі капиталға инвестиция тарту жөніндегі жұмыстардың нәтижесі және 2024 жылы атқарылатын жұмыстар туралы Кәсіпкерлік және индустриялды-инновациялық даму басқармасы баяндама жасады.

2023 жылдың 12 айдың қорытындысымен Шымкент қаласына 724,3 млрд теңге инвестиция тартылып, 2022 жылдың тиісті кезеңімен салыстырғанда 126% құрады. Оның ішінде, мемлекеттік бюджеттен түскен инвестциялар көлемі 127 млрд теңге, ал жекеменшік инвестициялар 597,3 млрд теңгені құрады.

Ағымдағы жылдың қаңтар-тамыз айларының қорытындысымен Шымкент қаласына 401,9 млрд теңге инвестиция тартылып, 2023 жылдың тиісті кезеңімен салыстырғанда 121% құрады. Оның ішінде, мемлекеттік бюджеттен түскен инвестициялар көлемі 82,8 млрд теңге, ал жекеменшік инвестициялар 319,1 млрд теңгені құрады.

2024 жылы жалпы 813 млрд теңге инвестиция тарту жоспарлануда, бұл көрсеткіш 2023 жылмен салыстырғанда 12,2 %-ға артуы күтілуде.

Қоғамдық кеңес мүшесі Т.Нишанбаевтың ауыл шаруашылығы өнімдерін қайта өңдеуді субсидиалау, инвестициялық субсидиялау бағыттарына уақытында қаржыландыруыңызды және кредиттер бойынша сыйақының пайыздық ставкаларын субсидиялау үшін бюджет қаражатын бөлуге, сондай-ақ Шымкент қаласының Ауыл шаруашылығы және ветеринария басқармасымен кредиттер бойынша сыйақының пайыздық ставкаларын субсидиялау шарттарын жасасуға және өз уақытында төлеу туралы ұсынысы кеңес мүшелері тарапынан қолдау тауып, жоғарғы мемдекеттік мекемелерге ұсыныс хат жолдау жөнінде шешім шығарылды.

Отырыстың соңғы мәселесі бойынша А.Асқаров атындағы дендрологиялық саясағының директоры Е.Достияров саябаққа келушілерге арналған кіру ақысына қатысты біршама ұсыныстар айтты. Дендрологиялық саябақ басшысына кеңес мүшелері қолдау білдіріп, өз ұсыныстарын білдірді.

Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.

Фото

Previous Next