Қоғамдық кеңестің кезекті отырысы өтті

Шымкент қаласының Қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Бауыржан Ілімшаұлы Әлтеев жүргізіп отырды.

Отырысқа Шымкент қаласы әкімінің орынбасары Сәрсен Абайұлы Құранбек, қоғамдық кеңес мүшелері, тиісті басқарма басшылары, БАҚ өкілдері қатысты.

Күн тәртібіне сәйкес Шымкент қаласы дін істері басқармасының атқарылып жатқан жұмыстары туралы басқарма басшысы Бахтияр Алтайұлы Өнербаевтың, Шымкент қаласы денсаулық сақтау басқармасының атқарылған жұмыстары туралы басқарма басшысы Нұрлыбек Абибуллаұлы Асылбековтың баяндамалары тыңдалып, сұрақтарға жауап берілді.

Жастардың дінге қызығушылығын алшақтату мақсатында Дін істері басқармасы жұмыспен қамту және әлеуметтік қорғау басқармаларымен, кәсіпкерлік және индустриялық-инновациялық даму басқармасымен, аудандық әкімдіктермен бірлесіп, жұмыссыз жастарға ақпараттық материалдар тарата отырып, бизнесті дамыту жөніндегі мемлекеттік бағдарламалардың бар екендігі туралы жеткізді.

Шымкент қаласындағы мемлекеттік денсаулық сақтау ұйымдарының саны - 35.

Қала тұрғындарына амбулаториялық-емханалық деңгейде 58медициналық ұйым көмек көрсетеді, оның ішінде 14 мемлекеттік емхана (609 мың адам) және 44жеке емханалар (627 мың адам).

Cтационарлық деңгейде 43 медициналық ұйым (4 766 төсек), оның ішінде 15 мемлекеттік аурухана (3 736 төсек) және 28 жеке медициналық ұйым (1030 төсек) көмек көрсетеді.

Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.

Фото

Previous Next