ЭКОНОМИКА САЛАЛАРЫНА ҚОҒАМДЫҚ БАҚЫЛАУ ЖҮРГІЗУ АСА МАҢЫЗДЫ

Жамбыл облыстық Қоғамдық кеңесінің Экономика, өнеркәсіп, энергетика, құрылыс, инфрақұрылым және цифрландыру жөніндегі комиссиясының отырысы өтті.

 Комиссия төрағасы Рахметілда Рахманбердиев отырыста комиссияның жұмысын ұйымдастыру және жүргізу мақсатында комитеттер құрып, құрамына экономика, құрылыс, тұрғын үй-коммуналдық шаруашылық, энергетика салаларының тәжірибелі мамандарын тарту туралы айтты.

Комиссия мүшелері Амантай Досмаханбетұлы, Батырхан Дәуренбеков, Талғат Жолтаев, Елена Балло, Ғалымжан Сағынтаев энергетика, құрылыс, ТКШ салаларындағы іске асырылатын бағдарламалар, тұрғындар үшін көрсетілетін қызметтерді жақсарту арқылы тұрмысқа қолайлы жағдайлар жасау, қоғамдық маңызды сұрақтар бойынша азаматтық қоғамның пікірін білдіру мақсатында атқарылатын жұмыстар туралы қызу талқылады.

 Комиссия төрағасы Қоғамдық кеңестің қоғамдық бақылау саласындағы өкілеттіктерін іске асыру тәртібін басшылыққа алып, жұмыс жоспары бойынша жүргізілетін қоғамдық бақылау нысандары, атап айтқанда инфрақұрылым, энергетика, құрылыс, ТКШ салаларына қоғамдық мониторинг жүргізу туралы жадынаманы комиссия мүшелеріне әлеуметтік желі қолданушылардың пікірлерін ескеру арқылы бірлесе дайындауды тапсырды.

Отырысқа қатысқан ҚК төрағасы Дүйсеналы Бықыбаев қолданыстағы заңнама аясында кеңес мүшелерінің өз өкілеттіктерін іске асыру барысында құқықтары мен міндеттерін жауапкершілікпен орындау арқылы қызмет бағыттары бойынша құрылған комиссиялардың жұмысын жандандыруы Қоғамдық кеңестің халық үшін аса сезімтал мәселелерін қарау және шешуге оң ықпал ететінін жеткізді.

Фото

Previous Next