Новости Казкенес

ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

Бүгін Қоғамдық кеңестің төрағасы Сейтхан Ахтаевтың төрағалығымен өткен кеңестің отырысында 4 мәселе қаралды. Тиісті бөлім, мекеме басшылары қатысты.  

1.    Аудандық мәдениет, тілдерді дамыту, дене шынықтыру және спорт бөлімінің инспекторы Ақерке Нұртай, ауыл көше мектептерге атаулар беру мәселелері жөнінде тәртібі мен заңдылығын түсіндірді.  

2.   Аудандық экономика және қаржы бөлімінің басшысы М.Ашрапов, Төлеби аудандық мәслихатының 2024 жылғы 25 желтоқсандағы №21/109-VIII  «2025-2027 жылдарға арналған аудандық бюджет туралы» шешіміне өзгерістер енгізу туралы хабарлама жасады.  

3.  «Жарық жол» КММ-нің директоры А.Туртаев, мекемеге жүктелген міндеттердің орындалуы мен атқарылып жатқан жұмыстардың барысы туралы баяндама жасады.  

4.   Төлеби ауданы «Саябақтары» КММ директорының м.у.а. С.Диханбаев,  мекеме тарапынан атқарылып жатқан көркейту-көгалдандыру, абаттандыру жұмыстары және мекемеге қарасты саябақтардың, ескерткіштер мен аллеялардың күтімдері сапалық жағдайлары туралы баяндама жасады.  
 
         Күн тәртібіндегі мәселелерге қатысты Қоғамдық кеңестің тиісті комиссия мүшелері мекемелердің жұмыстарына қоғамдық мониторинг жүргізгендері, зерделеулері бойынша қосымша баяндамаларын жасады. 
 
        Кеңес мүшелері баяндамашыларға ұсыныс-пікірлері мен сұрақтарын қойып жауаптарын тыңдады және көптеген түйткілді мәселелерді талқылады. Сонымен қатар алдағы уақытта жұмыстарды жақсарту, кемшіліктерді болдырмау мақсатында нақты ұсынымдарын ұсынып, әрбір мәселе бойынша шешімдер қабылдады.

Фото