Қоғамдық кеңес отырысы

Атырау облыстық қоғамдық кеңесінде.

Атырау облыстық қоғамдық кеңесі 12 желтоқсан   күнгі отырысында жылдық жоспарға сай,  «Білім беру және  денсаулық сақтау салаларындағы мемлекеттік қызмет көрсету сапасын арттыру туралы» мәселе қарады. Күн тәртібіндегі мәселе бойынша баяндаманы Білім беру басқармасының басшысының орынбасары Т.Байдошев, денсаулық сақтау басқармасының басшысының орынбасары А.Абилова  жасады.

Отырысқа Мемлекеттік қызмет істері агенттігінің,  Сыбайлас жемқорлыққа қарсы іс-қимыл агенттігінің, Медициналық және фармацевтикалық бақылау комитетінің      Атырау облысы бойынша департамент басшылары қатынасты.

Отырыста қоғамдық кеңестің  Сыбайлас  жемқорлыққа қарсы қоғамдық бақылау, құқық қорғау мәселелері жөніндегі комиссия мүшесі Рахимова Салтанат Асқарқызы  қосымша баяндама жасады. Мәселені отырысқа дайындау мақсатында аталған комиссия бірнеше мемлекеттік органдарда болып, зерделеу жүргізген болатын.

Білім беру саласындағы 24 түрлі қызмет көрсетілетін болса, оның 22-сі электронды түрде жүзеге асырылады да, тек 2-еуі қағаз жүзінде көрсетіледі.

Біріншіден, білім беру саласы бойынша мемлекеттік қызметтерді мерзімінен кешіктіріп көрсету жиі орын алып отыр.

2024 жылы мемлекеттік қызметтердің мерзімін кешіктіргені үшін білім беру ұйымдарының 40 қызметкері тәртіптік жауапкершілікке тартылған.

Сонымен қатар, биылғы жылы 4608 өтініш бойынша тұрғындарға қызмет көрсетуден бас тартылған.

Бас тартылған қызмет түрлерін саралау және тұрғындардың шағымдарын зерделеу –қызмет көрсетуден бас тарту негізінен мектепке дейінгі тәрбие беру ұйымдарына және мектептерге қабылдау туралы өтініштерге қатысты орын алатынын көрсетті. Әсіресе, кейбір нақты жекелеген мектептерге қабылдау туралы және бір мектептен екінші мектепке ауысу туралы өтініштерді қанағаттандырудан жиі бас тартылған.

Сонымен қатар, білім беру саласындағы мемлекеттік қызметтің екеуі бастауыш сынып оқушыларын және аз қамтылған отбасы балаларын ыстық тамақпен қамтамасыз ету екені белгілі.

Бүгінгі күні бірнеше мектепте асхана жоқ болуына байланысты, балаларға тамақ тасымалданып жеткізілуде. Ол, тамақтың суып кетуіне, сапасына әсер етеді, әрі арнайы асхана болмағасын, оқушылар сынып кабинеттерінің ішінде тамақтануға мәжбүр болуда. Бұл да, білім беру саласындағы осы қызмет түрлерінің тиісті деңгейде көрсетіліп отырмағанын білдіреді деуге болады.

Сонымен қатар, кейбір мектептер спортзалмен қамтылмағандықтан, немесе олардың ауданы шағын болып, жеткіліксіздігінен балалар дене шынықтыру пәндерін кабинетте өтуге мәжбүр болуда.

Сонымен қатар, облысымызда 4 мектеп бүгінгі күні бас лицензиясынсыз қызмет атқарып, бала оқытып отырғаны белгілі болып отыр.

Денсаулық сақтау саласы бойынша, денсаулық сақтау ұйымдарымен көрсетілетін қызметтердің сапасына халықтың наразылығы өте көп.

Атырау облысының арыз-шағымдар Call орталығына 2024 жыл 10 айда - 17 224 қоңырау түскен, оның ішінде анықтама алу үшін - 10 185 қоңырау шалынса, шағымдар - 7 039 болған. Былтыр осы мезгілде - 11 058  қоңырау түсіп, оның 6830-ы анықтама алуға соғылған болса, шағымдар – 4228 болған.

Қызметіне шағымдар ең көп түсетін денсаулық сақтау мекемелері -:                  

1) Обл.  Балалар ауруханасы биыл - 172, былтыр- 164;

2) Обл.  инфекциялық аурухана - биыл - 168, былтыр -155;

3) Обл. аурухана - биыл - 157,  былтыр - 146; 

4)4 орында № 3 емхана - биыл 145, былтыр 10 айда -  133;     

5) 5 орында №4 емхана–биыл - 138, былтыр -  104;

6) 6 орында - «АльянсМедикал» ЖШС - биыл 129, былтыр - 97;                   

7) 7 орында «Актобе Транзит» ЖШС –биыл - 113, былтыр - 98 жағдай.

Облыстық денсаулық сақтау барқармасы дәрігер мамандардың жеткіліксіздігін көрсетіп отыр.

Алайда, мамандар жетіспей ме, ғимарат жетіспей ме, т.б. объективтік себептер халыққа көрсетілетін медициналық қызметтің сапасына еш әсерін тигізбеу керек. Себебі, табыс салығын, әлеуметтік жарнаны және міндетті әлеуметтік медициналық сақтандыру жарнасын (ОСМС) уақтылы төлеп отырған тұрғындар заңда көзделген барлық медициналық көмекті тиісті деңгейде сапалы түрде алуға құқылы.

Сонымен қатар, қоғамдық кеңес мүшелері орын алған кемшіліктерді түзету бағытында ұсыныстарын айтты

Фото

Previous Next