Атырау облыстық Қоғамдық Кеңесінің жаңа құрамының алғашқы отырысы өтті

---

2022 жылдың 31 наурызы күні Атырау облыстық мәслихатының кезектен тыс XI сессиясының шешіміне сәйкес құрылған   облыстық Қоғамдық кеңесінің бірінші  отырысы  өтті.

Қазақстан Республикасының 2015 жылғы 2 қарашадағы  «Қоғамдық кеңестер туралы» Заңының 13 бабына сәйкес, Қоғамдық кеңестің алғашқы отырысы ұйымдастыру мәселелеріне арналды. Кеңес отырысын жұмысшы тобының жетекші К.Қосыбаев ашты.

Кеңес құрамы 31 мүшеден, оның ішінде 25 мүше азаматтық қоғамнан, конкурстық іріктеу арқылы 6 мүше мемлекеттік органдардан сайланған.

Күн тәрітібіндегі қаралған: Қоғамдық кеңес төрағасын сайлау; қоғамдық кеңес  комиссиялары мүшелерін және төрағасын сайлау; қоғамдық кеңес төралқасын құру мәселелелерін  кеңес мүшелері қызу талқылады.

 Заң талаптарына сәйкес «Қоғамдық кеңестің мүшелері- мемлекеттік қызметте жұмыс істемейтін белгілі  қоғам қайраткерлері арасынан оның төрағасын сайланады» -делінген. 

Атырау Облыстық Қоғамдық Кеңесінің  төрағалығына қоғам қайраткері М.Ізбасовтың,  Атыраулық белгілі белсенділер С.Рахимова, А.Хайруллиннің кандидатуралары ұсынылып, ашық дауыс беру арқылы қоғам қайраткері Жылой, Қызылқоға аудандарының Құрметті азаматы, бұған дейін кеңес төрағасы  қызметін атқарған  Мақсым Шафихұлы  Ізбасов сайланды.   

Осыдан соң  облыстық маслихат аппаратының басшысы, қоғамдық кеңесті қалыптастыру жөніндегі жұмыс тобының хатшысы             Е.Барлыбайұлы Қазақстан Республикасының  2015 жылғы                         2 қарашадағы  «Қоғамдық кеңестер туралы» Заңының 5 бабына сәйкес, кеңестердің өкілеттілігіне қызмет бағыттары бойынша комиссиялар құру енгізілгенін, қоғамдық кеңестердің қызметін үйлестіруші, ұйымдастырушы мемлекеттік орган өкілі ретінде                          5 бағытта комиссия құруды ұсынды. Олар: 1. Экономика және өңірлік даму; 2. Әлеуметтік және мәдени даму мәселелері;    3.Сыбайлас жемқорлыққа қарсы  қоғамдық бақылау, құқық қорғау мәселелері;                    4. Экология, табиғат пайдалану және аграрлық мәселелер жөнінде,                   5. Инфрақұрылымды дамыту және коммуналдық мәселелер жөніндегі комиссиялар. Құрылатын комиссия  мүшелерін және  төрағасын сайлау туралы, қоғамдық кеңес төралқасын құру туралы ұсыныс  айтып, кеңес мүшелерінің пікірі ескеріліп, тыңдалды.

Қоғамдық кеңестің ұйымдастыру  шараларынан соң, Қоғамдық  кеңестің   I отырысын Облыстық Қоғамдық кеңес төрағасы М.Ізбасов жүргізді.   Мақсым Шафихұлы,  қоғамдық кеңесті  қалыптастыру жөніндегі  жұмыс тобына ризашылығын білдіріп, жұмысшы тобының  төрағасы К. Қосыбаевқа облыстық мәслихаттың «Алғыс хатын», облыстық Қоғамдық кеңесінің «Алғыс хатымен»  бұрынғы кеңес мүшелерінің бір тобын марапаттады.

Сондай-ақ кеңес төрағасы, Атырау облысында қоғамдық кеңестің жақсы жұмыс тәжірибесі қалыптасқанын, 2016-2019 жылдары Қоғамдық кеңестің өте белсенді жұмыс атқарғанын, Республика бойынша  алдыңғы үштікке  іліккенін, одан кейінгі  Қоғамдық кеңес 2019-2022 жылдары Еліміздегі пандемия салдарынан және жекелеген мүшелердің жауапкершілігінің төмендігінен  жоғардан көріне алмағандығын айтып, алайда атқарылған жұмыстардың да жоқ емес екендігін, Қоғамдық кеңестің тікелей араласумен шешілген мәселелерге тоқталып өтті.

Заңға 2021 жылдың 3 қаңтарында енгізілген өзгерістер, қоғамдық кеңестерді –мемлекеттің ісіне ықпал ете алатын институттарға айналдыруға бағытталғанын, яғни  қоғамдық кеңестер- мемлекет қабылдайтын шешімдердің жариялы, ашық болуын қамтамасыз ететін консультативтік- кеңесші, әрі бақылаушы орган  ретінде атқаратын ролы зор екендігін айтып өтті.    

Төраға жаңадан сайланған  кеңестің - билік пен қоғам арасында тұрақты диалог орнату арқылы үйлесімді мемлекет қалыптастыру жолында жұмыстарды бірлесіп  атқаратынына сенім білдірді.