ШЫМКЕНТ: ҚОҒАМДЫҚ КЕҢЕСТІҢ II КЕЗЕҢІНІҢ ӨКІЛЕТТІЛІГІ АЯҚТАЛДЫ

---

2019 жылғы 29 наурыз күнгі №47/392-6с Шымкент қаласы мәслихаты шешіміне сәйкес құрылған Шымкент қаласы қоғамдық кеңесінің өкілеттілігі 2022 жылдың 29 наурыз күні аяқталды.

Осыған орай бүгін соңғы отырыс өтіп, кеңестің атқарған үш жылдық жұмыстары қорытындыланды.

Осы уақыт аралығында кеңес - билік пен қоғам арасында тұрақты диолог орнату арқылы үйлесімді мемлекет қалыптастыру жолында жұмыстар атқарды.

Қоғамдық кеңестің әрбір отырысында, кезекті жиындарында мемлекеттігімізді нығайтып, әлеуетімізді арттыруды көздейтін сындарлы ой мен салиқалы пікірлер ортаға салынып, ұсыныстар жолданып келді.

Әрбір ұсыныс өңірдің, қаламыздың дамуы жолында бағытталып, жолданған мемлекеттік органдар тарапынан кері байланыстардың орнағаны - «Халық үніне құлақ асатын мемлекет» тұжырымдамасын іске асқандығын дәлелдеді.

Кеңес мүшелері өкілеттілігі тоқтағанымен азаматтық белсенділігін тоқтатпайды.

Халықтың мүддесін одан әрі қорғай беретіндіктерін жеткізді.