Новости Казкенес
Новости KazKENESЖаңа Қазақстан Жолындағы он бағыт
Қазақстан Республикасының Президенті Қасым-Жомарт Тоқаевтың биылғы Жолдауының негізгі бағыттары қазіргі қалыптасқан саяси-әлеуметтік жағдайға толық бағдарланған.
Күні кеше өткен Парламент палаталарының отырысында біз осы тарихи сәттің куәсі болдық. Қасымжомарт Кемелұлы алдағы реформалардың 10 бағытына тоқталып, Еліміздегі демократиялық үрдістерді әрі қарай жетілдіру бағытында бірқатар басымдықтарды белгілеп берді.
Олар: 1. Президент өкілеттілігі. 2. Өкілетті билікті күшейту. 3.Сайлау жүйесін жетілдіру.4. партия жүйесін жетілдіру. 5. Сайлау үрдісін жаңарту. 6. Конституциялық адам құқығын сақтау. 7. БАҚ-ң бәсекеге қабілеттілігін арттыру. Азаматтық Қоғамды дамыту. 8. Әкімшілік-аумақты жетілдіру. 9. Децентрализация .10. Антикризистік шаралар. Барлық 10 бағыт бүгінгі таңдағы елімізге керекті мәселелерді қамтиды. Бұл реформаларды бастау Конституцияның 30 -дан астам бабына өзгеріс жасауды қажет етеді. Осыған байланысты жаңа Заңдар қабылданбақ. Сөзінің басында Президент Қ. Тоқаев қаңтар оқиғаларындағы келеңсіздіктерге тоқталып, Елімізге қандай қауіп төнгенін тағы бір айтып өтті.
Мемлекет басшысы Қасымжомарт Кемелұлы Тоқаевтың «Жаңа Қазақстан: «Жаңару мен Жаңғыру жолы» атты Қазақстан халқына жолдауы алдағы жаңа мақсат міндеттерді айқындап берді.
Еліміз тұрақты, байыпты дамып, өркениетті, дамыған зайырлы елдердің қатарына қосылу үшін бізге түбегейлі реформалар қажет екендігін, бүгінде халқымыз түсінді. «Реформа жасау-реформа жасау деген атақ үшін жасалмау тиіс. Одан халықтың тұрмыс деңгейі көтеріліп, қоғам түгелдей демократиялануы тиіс. Ендеше, кешегі жасалған Жолдау еліміздің көптен күткен, түбегейлі өзгерісіне, жаңа Қазақстан құруына жасалатын нық қадам!.
«Саяси жаңғыру болмаса, елімізді орнықты дамыту, ауқымды әлеуметтік –экономикалық өзгеріс жасау мүмкін емес»- деген президент саяси реформалар енгізу еліміздің дамуына оң ықпал ететінін атап өтті.
Кеше Жолдау жарияланғаннан бері біраз бейресми адамдармен жүздесіп пікірлерін байқадым. Халық арасында «Президент жақсы айтты, жұрт риза» деген сияқты жағымды пікірлерді естідім. Бұл Жолдаудың елдің көкейіндегі үмітімен, тілегімен ұштасқандығын айқындайды.
Президенттің «Президентке туыс адамдардың жоғары лауазымды билікте болмауы керек» немесе «Президент және лауазымды тұлғалар билікке жеткенде бір ғана партияның мүшесі бола алмайды» деген сөздері халық әділдікке бастар қадам деп қабылдап жатыр.
Президентіміз Азаматтық Қоғамның барлық саласын қамтитын Ұлттық құрылтай құруға тапсырма берді. «Құрылтай қоғамдық диалогтың біртұтас институтционалдық моделін қалыптастыруға тиіс. Сөйтіп, билікпен халықтың арасындағы дәнекерге айналатын болады. Қазіргі Қоғамдық кеңестердің бәрін өз айналасына топтастырады»-деп азаматтық қоғамды бір шаңырақтан бірлесе қызмет ететін Орталыққа айналдыруды көздеп отыр.
Өз кезегінде «қоғамдық кеңестерде Ұлттық құрылтайдың маңызды бөлшегіне айналады»- деп сенемін. Президент « ...қоғамдық кеңестерді дамытып жатырмыз, бұл кеңестердің орасан зор инстутционалдық әлеуеті бар. Соны толығымен жүзеге асыру керек»-деп қоғамдық кеңестердің құрамы, жұмыс жоспары мен әдістеріне түбегейлі өзгеріс қажеттігін атап өтті.
Мемлекет басшысының: «Маған елімнің амандығы мен жерімнің тұтастығынан асқан ешбір құндылық жоқ. Мені ең алдымен, халқымның болашағы қалай болатыны толғандырады. Сондықтан бізге ешкім сырттан келіп, ештеме жасап бермейтіні анық, бәрі де өз қолымызда»-деген сөзі баршамыздың көкейіміздегі үмітімізбен, тілегімізбен ұштасты. Бұл нағыз патриоттың сөзі, бәріміз осындай болуға тиіспіз.
Тәуелсіздік, тұрақтылық, Тыныштық. Осы үш сөздің қадірі мен қасиеті әлемдегі ахуал тұрақсызданып тұрған қазіргі кезеңде бұрынғыдан да арта түскендей. Әр Қазақстандық Президент Жолдауының мәні мен маңызын терең ұғынып, тапсырмалардың іске асуы жолында жұмыла еңбек жасауы тиіс.
Атырау облыстық Қоғамдық кеңесінің төрағасы М. Ізбасов