ШЫМКЕНТ: ҚОҒАМДЫҚ КЕҢЕСТІҢ ОТЫРЫСЫ ӨТТІ

---

Шымкент қаласы қоғамдық кеңесінің кезекті отырысы өтіп, күн тәртібіне сәйкес 9 мәселе қаралып, талқыланды.

Мемлекеттік органның 2021 жылы атқарған жұмыстарының қорытындысы мен нәтижесі туралы Шымкент қаласы әкімдігінің білім басқармасының басшысы Тажиева Ж.А, Шымкент қаласының құрылыс басқармасының басшысы Рабаев Ә.Б, Шымкент қаласының дін басқармасының басшысы Тұяқбаев Ә.Ә баяндады.

Аталған баяндама негізінде қаладағы білім мен мәдениет, тәрбие мен идеология бағыттарына аса көңіл бөлінуі қажеттігі және осы бағытта азаматтық сектор өкілдері мен мемлекеттік органдар бірлесе жұмыс атқару қажеттігі секілді түйткілді мәселелер көтеріліп, ұсыныс пікірлер айтылды.

Кеңес отырысында «Шымкент қаласы бойынша әлеуметтік мәні бар қатынастардың тізбесін айқындау туралы» 2019 жылғы 11 желтоқсандағы №58/506–6с Шымкент қаласы мәслихатының шешіміне өзгеріс енгізу туралы» шешімінің жобасы және Шымкент қаласы әкімдігінің «Шымкент қаласының қалалық жайлы ортаны дамыту басқармасы «Асанбай Асқаров атындағы Шымкент мемлекеттік дендрологиялық саябағы» мемлекеттік коммуналдық қазыналық кәсіпорынның Жарғысын бекіту туралы», «Шымкент қаласының жергілікті маңызы бар мемлекеттік табиғи-қорық қоры объектілерінің тізбесін бекіту туралы» «Заңды тұлға мәртебесі бар жергілікті маңызы бар ерекше қорғалатын табиғи аумақтар көрсететін қызметтер үшін тарифтер мөлшерін бекіту туралы» қаулы жобалары қаралып, талқыланды.

Сонымен қатар кеңес отырысында Қазақстан Республикасының Ауыл шаруашылығы министрлігінің Ветеринариялық бақылау және қадағалау комитетінің Шымкент қаласы бойынша аумақтық инспекцияның штат санын көбейту бойынша ұсыныс жобасы мен сыбайлас жемқорлыққа қарсы іс-қимыл бойынша қабылданып жатқан шаралар, 2022-2026 жылдарға арналған сыбайлас жемқорлыққа қарсы саясат тұжырымдамасы таныстырылды.

Отырыс қортындысы ретінде хаттамалық ұсыныстар берілетін болады.

Отырысты кеңес төрағасы, Шымкент қаласының мәслихат депутаты, Бұхарбай Нұрғазы Бақтыбайұлы жүргізіп отырды.